Aningaasalersuinermi illersuinissaq

Ulloq 1. april 2008 aallarnerfigalugu pappilissanik nalilinnik niueqatigiinnermi aningaasalersuinermi illersuinissaq pillugu Europami ataatsimoorussamik malittarisassat GrønlandsBANKEN’ip malilerpai. Tamatumunnga peqqutaavoq pappilissanik nalilinnik niuernerni (aningaasarsiornermi sakkussat) sapinngisamik pitsaanerpaamik illersorniarlutit. 

Pappilissanik nalilinnik siunissami niuerninni malittarisassat nutaat pingaaruteqalissapput. Naatsumik oqaatigalugu malittarisassat ima isumaqarput:

• Sullitani immikkoortunut ’detail’-imut inissipputit
  Tamanna isumaqarpoq aningaasalersuinermi illersuinermi qaffasinnerpaamut inissittutit
  
• Tulliani pappilissanik nalilinnik niuernialeruit aningaasalersuisutut ilisarnaatit aallaavigalugu pissaaq
  Tamatumani qulakkeerniarneqarpoq, uagut siunnersuinitsinni aningaasaqarnikkut tamakkiisumik ilisimasaqarfigisariaqaratsigit, aningaasaliininni siunertatit, annaasaqarsinnaanermut piareersimanersutit kiisalu pappilissat nalillit pillugit ilisimasaqarnerit nalilersorsinnaassagatsigu. Taamaaliornikkut eqqornerusumik siunnersorsinnaavatsigit
  
• Siunertaqassutsimik nalilersuineq aamma ‘execution only’ (isumaginninnerinnaq)
  Aningaasalersuisinnaanermi ilisarnaatitit aallaavigalugit niuerutissanik ajornakusoornerusunik niuernerni siunertaqassutsit nalilersorusupparput. Detail-ip ataani sullitatut niuernitit ‘isumaginninnerinnartut’ ingerlanniarlugit tamatigut toqqaasinnaavutit. Taamaattoqarnerani niuernermi aalajangersimasumi illit nammineq kissaatigisatit malillugit siunersorneqannginnissat piumasarisimassavat
  

Paasissutissat uagutsinneersut
Malittarisassat nutaat peqqutigalugit malittarisassat nutaat qanoq eqquutsitsiginerigut erseqqissunik malittarisassaqartussaavugut. Malittarisassat sullississutini arlalinni nittartakkatsinni takusinnaasanni nassuiarsimavagut. Aningaasalersuisunik illersuinissaq pillugu siunissami malittarisassanik nutarterinerit aamma tassani takusinnaavatit.