GrønlandsBANKEN-ip aktiaatai

GrønlandsBANKEN selskabiuvoq Kalaallit Nunaanni nalunaarsugaasoq kiisalu akileraartarneq pillugu Inatsisartut inatsisaat naapertorlugut Kalaallit Nunaanni akileraartussaatitaalluni.

Inatsisip § 70-ia naapertorlugu GrønlandsBANKEN agguagarsianik akileraartussaavoq, ukiumi agguagarsiat tunniunneqarneranni akileraarnermut procenti Nuup Kommuneanut aalajangigaq naapertorlugu.

Maannakkut akileraarutit katinneri 42 %-iuvoq. Agguagarsianit akileraarut inaarutaasumik akileraarutaavoq, taamaallaat inatsisip § 3-at malillugu akileraartussaatitaanngitsutut inissisimasumit utertinniarneqarsinnaasoq.

Inatsisip taassuma § 19-iat malillugu GrønlandsBANKEN aningaaseriviup isertitaminit akileraartussaatitaaffimminit agguagarsiat piginneqataasunut akiliutigineqarsimasut naatsorsorneqarneranni ilanngaatigisinnaavai.