Suleqatigisat
 GrønlandsBANKEN Kalaallit Nunaanni aningaaseriviuvoq tamakkiisumik sullissisoq, tamaaliornikkullu sullitat aningaaserivimmi sullinneqarnissamik siunnersorneqarnissamillu pisariaqartitaat isumagisarlugit. Suleqatigisat pikkorissut arlallit suleqatigiinnissamik isumaqatigiissuteqarfiginerisigut aningaaseriviup aqqiissutit pitsaanerpaat neqeroorutigisinnaavai, makku iluisigut; homebanking, taarsigassarsitsisarneq, sillimmasiineq, akiligassanik isumaginninneq aamma aningaasalersuineq.
BEC
Aningaaserivinni nutaaliaasumik ingerlatsinermi IT-kut suleriaatsit pingaaruteqarluinnarput. Aningaaseriviup 1981-imili BEC suleqatigilersimavaa, Roskilde-mi Bankernes Edb Central. Aningaaseriviup IT-kut suleriaasianik inerisaanerit ingerlatsinerillu tamarmik BEC qanimut suleqatigalugu ingerlanneqarput.
Realkredit
Ukiut kingusinnerusut ingerlaneranni aningaaseriviup danskit taarsigassarsititsiniartarfii qanimut suleqqatigisimavai, pingaartumik Nykredit*, illuliornernut taarsigassarsinerit eqqarsaatiginerullugit.
Sillimmasiineq
Ukioq 2001-imi aningaaseriviup inuinnarnut sullitanut ajutoornermi sillimmasiinermik iluarsiisarneq pillugu Kalaallit Forsikring Agentur/IF* aaqqissuussamik suleqatigilerpaa.
PFA Pension* aqqutigalugu ataatsimoortumik sillimmasiinerit iluarsisarnerat pillugu isumaqatigiissutigineqarput, taarsigassarsinermut atatillugu atorneqarnerusartoq.
Akiligassanut / Akiitsorsinnaanermut kortit
Akiligassanut akiitsorsinnaanermullu kortit eqqarsaatigalugit aningaaseriviup MasterCard* aamma Visa* suleqatigiinnissamut isumaqatigiissuteqarfigai.
Akiliisarnernut sullissineq
Aningaaseriviup piginneqataaffigaa PBS*, Betalingsservice-itut aamma Dankorti-itut ilisimaneqarnerusioq. Kalaallit Nunaanni suleqatigiinnermut aamma ilaapput Dankortterminalit aqqutigalugit AKILIUT-kort atorlugu akiliisarnerit.
Danske Bank-ip Danmarkimi aningaasanik tigusisarfinni 1000-it missaanniittuni AKILIUT-kortip atornissaa pillugu isumaqatigiissusiorfigineqarsimavoq.
Namminersornerullutik Oqartussanik sullissinissamik isumaqatigiissut naapertorlugu aingaaseriviup qulakkeerinneqataaffigaa Kalaallit Nunaanni sumiiffinni aningaaseriviup immikkoortortaqarfeqarfiginngisaani Namminersornerusut kissaatigisaattut akiliisarnissamik sullissinerup isumaginninneq.
Aningaasalersuisarfiit
Aningaaseriviup aningaasalersuisarfiit annerit amerlanerit suleqatigai, soorlu ilaatigut BankInvest*, Danske Invest*, Garanti Invest*, Nykredit Invest*, Sparinvest*, Carnegie Worldwide*, Gudme Raaschou* aamma Nordea Invest* aningaasalersuisarnernut uppernarsaatit isumagineqarnerat pillugu. Aningaasalersuinermi uppernarsaatit aqqutigalugit ileqqaartarneq aningaaseriviup sullitaasa ukiut kingulliunerusut ingerlaneranni annertuumik atorneqaleraluttuinnarsimavoq.
Tamakku saniatigut aningaaseriviup makku suleqatigai:
OMX Den Nordiske Børs, København
Finansrådet
Finanssektorens uddannelsescenter
Lokale Pengeinstitutter
GrønlandsBANKEN selskabinit ima nalunaaqutsikkanit * tuniniaanermi akiliiffigineqartarpoq.
|