Aningaasalersuisarnermut politikki
Aningaasalersuisarneq GrønlandsBANKEN-imi niuernermik siuarsaanitsinni pissusissamisoortutut sunniuteqarluartutullu sakkussatut atortarparput.
Aningaasalersuinermi tapiissuteqartarnitsinni siunertatta pingaarnersaat tassaapput:
- suliniutit pitsaasut suulluunniit Kalaallit Nunaannut kalaallinullu attuumassuteqartut tapersersortarnissaat
- aningaaseriviup Kalaallit Nunaanni inuiaqatigiinnut attuumassuteqarnera takutinniarlugu nukittorsarniarlugulu
- tusaamasaalluarnitta sunniuteqarnera anguniarlugu
Taamaattumik aningaasaliiffigineqarnissamut qinnuteqaatit GrønlandsBANKENip makku aallaavigalugit nalilersortarpai
- tapiissutit aalajangersimasut nunaqqatitta qanoq amerlatigisut iluaqutigissaneraat
- sunniutit pitsaasut aningaaseriviup qanoq angusinnaanerai
Kikkut tapiiffigineqarsinnaappat?
Suliniutit assigiinngitsorpassuit GrønlandsBANKENip aningaasaliiffigisarpai – soorlu isumaginninnermi/inooqatigiinnermi pilersaarutit, timersorneq aamma kulturi.
Timersorneq pingaarnertut aningaasaliiffigisarparput Team Grønlandimut pingaarnertut aningaasalersuinerput aqqutigalugu.
Inuit ataasiakkaat imaluunniit taakku namminerisamik aningaasarsiornerini suliniutaat kiisalu upperisarsiornikkut imaluunniit politikkikkut suliniutit tapiissuteqarfigisanngilagut.
Qanoq tapiissuteqartarpugut?
Pilersaarutit suuneri apeqqutaalluinnartarput. Aallaavittut tapeeriaatsit aalajangersimasut uniffigisanngilagut, tapiissuteqakkajuttarpugulli aningaasatigut tapiissuteqarnikkut imaluunniit tunisassiat tigussaasut, soorlu pilerisaarinermi atortut imaluunniit atisat.
Qinnuteqarneq
Qinnuteqaatit tamarmik allakkatigut tunniunneqassapput, makkulu nassuiaasersorlugit
- tapiissutissat suut qinnutigineqarnersut (missingersuusiorneqarlutik)
- qanoq amerlatigisunik tapiissuteqartoqassanersoq
- tapersersorneqarluni tapiissutinik kikkut pissarsissanersut
- tapiissutigisat kikkut iluaqutigissaneraat/pissarsissutigissaneraat
- tapiissuteqarnermi GrønlandsBANKENimut iluaqusiinerit suussanersut
- GrønlandsBANKENip saniatigut allanit tapiissutinik pissarsisoqarsimanersoq imaluunniit allanut qinnuteqartoqarsimanersoq.
Tapiiffigineqarnissamut qinnuteqaatinik GrønlandsBANKENip suliarinnittarnera
Qinnuteqaatit takkuttut ukiumut sisamariartumik nalilersortarpavut; februarip naanerani, maajip naanerani, aggustip naanerani aamma novembarip naanerani.
|