Elektroniskimik atsiorneq
Aningaasarsiornermi sammisallit aalajangersimapput aningaasaqarnikkut pisussaaffittut nuussinernik iluarsiissallutik (soorlu kortit akiliiffissat imaluunniit allat kontoinut nuussinerit) nuussinerit elektroniskiusumik atsiorneqartassasut. Tamanna immikkut isumannaallisaanerit ilagiinnarpaat, paasissutissat allanit pissarsiarineqarsimanngitsut, atuarneqarsimanngitsut imaluunniit allanngortinneqarsimanngitsut.
Elektroniskiusumik atsiornerup atorneratigut uppernarsarneqarsinnaavoq nuussineq kia nassiussimaneraa kiisalu suut atsiorneqarsimanersut.
Suleriaatsimut siullerpaamik iseruit pinkode-lu aningaaserivimmit pissarsiat toortarlugu, suleriaaseq ilisarnarunnaarsaatitut uppernarsaasiussaaq, tamannalu nalinginnaasumik pc-iinnut atsiornermi uppernarsaammut ikineqartarluni. Ilisarnarunnaarsaatitut uppernarsaat taanna elektroniskiusumik atsiornermik pilersitsinermut atorneqartarpoq, ilisarnarunnaarsaanermilu uppernarsaat taamaallaat iserfigineqarsinnaavoq inuttut nammineq atsiornikkut ilisarnaat atorlugu, taannalu siullerpaamik iseruit toqqartussaavat. Pingaaruteqarpoq atsiornikkut ilisarnaat illit kisivit paarinissaa allanillu ilisimaneqalinnginnissaa. Taamaalilluni qulakkeerneqassaaq digitalikkut atsiorluni ilisarnaat taamaallaat ilinnit tunniunneqarsinnaanera. Atsiornikkut ilisarnaatit allat iserfigeriassagaluarpassuk, digitalikkut atsiorluni ilisarnaat pingasoriartumik iserfigineqarniarsarigaluarpat matuneqassaaq.
Ilisarnarunnaarsaatitut uppernarsaat atsiornikkullu ilisarnaat isertugaasoq pc-vit iluaniittuassaaq, aningaasarsiornikkut pisussaaffittut nuussinernik isumaginnittoqaraangat. Elektroniskiusumik atsiorneq immini taanna ilisarnarunnaarsaatitut uppernarsaatip Internet-ikkut nassiussat tunngavigaat.
Suleriaaseq pc-iini arlalinni atornissaa kissaatigigukku atsiornikkut toqqortaq nassarneqassaaq pc-iiniillu kissaatigisanit atorneqassalluni. Tamannalu pisarpoq uppernarsaat diskette-kut assilillugu nuutsissavat (tamanna najoqqutatigut ajornaanneruvoq: tuugassaq ”Brugerfunktioner”: ”Kopier underskriftfil” imaluunniit ”Stifinder” aqqutigalugu imaluunniit Windows-imi ”Denne computer” aqqutigalugu.)
Atsiornikkut ilisarnaat allanngortikkukku, ilisarnarunnaarsaatitut ilisarnaat nutaaq pilersinneqassaaq, taannalu atsiornikkut toqqortamut nutaamut pc-iinnut inissinneqassaaq. (Tamatuma kingunerissavaa siusinnerusukkut atsiornikkut toqqortat (ilisarnarunnaarsaatitut ilisarnaat) nuutsillugu assilisimanera atorsinnaannginnera).
Taamaammat atsiornikkut toqqortat nutaaq assilillugu nuutsissavat, toqqortarlu pc-nut allanut suleriaatsimik atuiffigisassannut toqqorlugu. |