Avatangiisit aningaasaqarnerlu ataqatigiilluarsinnaapput
Avatangiisitigut eqqarsaatigisassat silatusaartumillu aningaasaqarneq GrønlandsBANKEN-imi ataqatigiissippavut. Taamaammat avatangiisinut taarsigassarsineq periarfissiissutigaarput, taaguuserlutigu "Nutarsarneq".

Ilinnut qanoq pingaaruteqarpa?
Illuni kiassarneq Kalaallit Nunaanni artukkiilluartuuvoq, avatangiisitigut aningaaqarnikkullu. Avatangiisinut taarsigassarsineq Nutarsarneq illumik piginnittuusutit illuit pitsanngorsarnissaanut periarfissiivoq, avatangiisinut iluaqutaanerulerluni nukissiornermillu sipaaruteqarnerulerluni. Erniaat ataatsimut isigalugit inissisimaneri malillugit erniaat nikerartuupput, maanna inissisimaffigalugu taamaallaat 3,45 %-it.

Avatangiisinut taarsigassarsineq Nutarsarneq qanoq atuuppa?
Inissianik nammineq pigisaqartut, ilaallutik illut uiguleriiaat namminerisamillu inissiaatit, akiitsorsinnaanermut nalinginnaasumik nalilerneqareernikkut, iluaqutaalluartunik atugassaqartitsitsinikkut 300.000 kronit angullugit taarsigassarsisinnaapput. Taarsigassarsiat pitsanngorsaanernut atorneqarsinnaapput, soorlu kissarsuummik uuliatortumik pisoqqamik taarsiinermut, pitsaanerusumik oqorsaanermut, matunik igalaanillu taarsersuinernut, qalissiat nutaat imaluunniit seqerngup qinngorneranit nukissiuutinut aningaasaliinernut.
Taarsigassarsineq minnerpaamik aningaasat sipaarutitut angusavit amerlaqataannik taarsersorneqassaaq. Periarfissat, killilersuutit piumasaqaatillu pillugit siunnersortivit erseqqinnerusumik oqaluttuussinnaavaatit. Taamaammat aningaaserivimmut sianipallagit imaluunniit alakkaapallanniarit periarfissallu pillugit oqaloqatigaluta.