Realkredit

GrønlandsBANKEN Nykredit suleqatigalugu pigisanik aalaakkaasunik taarsigassarsisitsisarfimmit aningaasalersuinissanut periarfissiisinnaavoq, soorlu illumik pisinermi, nutaamik illuliornermi, aaqqiissut 10-40-50 malillugu sanaartorneq kiisalu piginneqatigiillulni inissianik sanaartortitsinermi.

Taamattaaq allanngortiterilluni ilasillunilu sanatitsinernut taarsigassarsiniartarfimmit aningaasalersuisoqarsinnaavoq. Namminerisamik inissiani ilaatigut taarsigassarsiat inissiallu nalingisa nikingassutaat tunngavigalugu taarsigassarsisitsisoqarsinnaavoq.

Niuerutiginerani akiata 80 %-ia angullugu imaluunniit naliliineq Nykredit/aningaaserivimmit akuerisaa tunngavigalugu taarsigassarsisitsisarfik aqqutigalugu aningaasalersorneqarsinnaavoq. Kalaallit Nunaata akileraarnikkut aaqqiissutai immikkut ittut peqqutigalugit taama taarsigassarsiat aningaasanngorlugit taarsigassarsiatut iluarsineqartarput ukiuni 10, 20 imaluunniit 30-ni. Taarsigassarsisitsiniartarfimmi aningaasalersuineq aalajangersimasumik erniaalittut imaluunniit erniaat qaffasinnerpaaffissai aalajangerlugit neqeroorutigineqartarput.

Taarsigassarsisitsisarfimmit aningaasalersuineq nunatsinni illoqarfinni annerusuni neqeroorutaasarpoq.