Akiliut

Akiliut tassaavoq GrønlandsBANKEN’ip nammineerluni akiliissutaa. Kalaallit Nunaanni Dankortinut atortorissaaruserfinni Akiliut-ip ilisarnaataanik inissiisimaffinni akiliutigineqarsinnaavoq. Taamattaaq GrønlandsBANKEN’ip aningaasanik tigusisarfiini aningaasanik tigusissutigisinnaavat.
Akiliut-korti Danmarkimi Danske Bankip aamma BG Bankip aningaasanik tigusisarfiini aamma aningaasanik tigusinermut atorneqarsinnaavoq.

Akiliut-korti atorlugu aningaasanik tigusisarfinni ullormut 9.900 kr. angullugu tigusisinnaavutit -  soorunami konto-t imaqarnersoq apeqqutaalluni. Akiliut aningaaserivimmut qarasaasiakkut toqqaannartumik attaveqarpoq. Taamaalilluni akiliineq/tigusineq taamaallaat konto’t imaqarpat isumagineqarsinnaalluni.

U18
U18-korti tassaavoq GrønlandsBANKENip nammineerluni inuusuttunut kortiutaa, inuusuttunut 18-it inorlugit ukiulinnut neqeroorutigineqartoq.

Akiliissut Kalaallit Nunaanni pisiniarfinni Dankortterminaleqarfiusuni Akiliut-ip ilisarnaataanik peqarfiusuni tamani akiliutitut atorneqarsinnaavoq. Taamattaaq korti GrønlandsBANKENip aningaasanik tigusisarfiini tamani aningaasanik tigusissutaasinnaavoq.

U18-korti Danmarkimi Danske Bankip aamma BG Bankip aningaasanik tigusisarfiini aamma aningaasanik tigusinermut atorneqarsinnaavoq.

U18-korti atorlugu aningaasanik tigusisarfinni ullormut 9.900 kr. angullugu tigusisinnaavutit -  soorunami konto-t imaqarnersoq apeqqutaalluni. Akiliut aningaaserivimmut qarasaasiakkut toqqaannartumik attaveqarpoq. Taamaalilluni akiliineq/tigusineq taamaallaat konto’t imaqarpat isumagineqarsinnaalluni.
 

Net-ikkut pisiniarneq
Akiliut/U18 korti Net-imi pisiniarnermi atorneqarsinnaanngilaq. Net-imi pisiniarniaruit MasterCard Debit neqeroorutigisinnaavarput Akiliut/U18-mut tapertatut. 
Annertunerusumik paasisaqarusukkuit immikkoortumi MasterCard-imi atuarsinnaavat.