Nammineq ilusilikkamik korti

Nammineq ilusilikkat – immikkut kortit

Soormi allat assinganik korteqassavit?

GrønlandsBANKEN’imi Visa Electron kortimik imaluunniit Visa/Dankortimik nammineq ilusilersukkannik inniminniisinnaavutit.

GrønlandsBANKEN’ip Visa/Dankortianik peqareeruit taanna pisoqaq kortimik nutaamik nammineq ilusilersukkannik taarsertissinnaavat – PIN-kode pisoqaq aamma atuinnarsinnaavat.

GrønlandsBANKEN’ip Visa Electron-ianik peqareeruit, kortimik nammineq ilusilersukkannik pisaarusukkuit kortimit nutaamik aamma PIN-kode-mik nutaamik pisaartariaqassaatit.

Assit suut atorsinnaappat?
Assip ilusia tassaassaaq jpg, gif, bmp imaluunniit png, annerpaamillu 3MB-imik imartussalluni. Inniminniinerup nalaani asseq millillugulu allisissinnaavat allamullu saatsillugu.

Taamattaaq assip ilusia pillugu arlalinnik piumasaqaateqarpoq, inniminniinerup piviusunngortinnginnerani akuereqqaartariaqakkat.