Net-ikkut niuerneq

Internetikkut, allatsitsivikkut imaluunniit oqarasuaatikkut inniminniinikkut niuernermi Dankort, Visa/Dankort, imaluunniit MasterCard atorukku, uppernarsaanikkut ilisarnaat pingasunik kisitsisitalik nalunaarutigissavat. Ilisarnaat kortip tunuani naqitaavoq, kortilli suunera apeqqutaalluni assigiinngitsunut inissinneqarsimasinnaavoq. Immersugassat akiliiffissat atorlugit akiliinermut atatillugu PIN-kode’t NALUNAARUTIGINNGISAANNASSAVAT.

Internet-ikkut niuerneq
Internet-ikkut niuerniartillutit Visa/Dankort imaluunniit MasterCard atorlugu akiliiguit ilisarnaat "Verified by Visa" aamalu "SecureCode" naammattoorsinnaavatit. Tamatuma kingunerissavaa Netbank-it aqqutigalugu uppernarsassavat, nammineq kortit atorlugu akiliissagavit.

Ilisarnaatit ima isikkoqarput:
   

Internet-ikkut pisiniarfiup ilisarnaat taanna takutippagu paasissutissat nalinginnaasut toortassavatit (kortnummer, ulloq atorunnaarfissaa aamma kisitsisit uppernarsaatit) kiisalu Netbank-imit atsiornermut ilisarnaatit.

Taamaalippat Netbank-imut nuutsinneqassaatit, iserfigereerukkulu kortit pillugu paasissutissartalinnik akuersinissamut asseq takutinneqassaaq. Atsiornermut ilisarnaatit atorlugu akuerinnissaatit, soorlu Netbank-ikkut akuersigaangavit ilisimasat.

Taamaaliornikkut uppernarsassavat illit nammineq kortit atorlugu akiliigavit. Taama immikkut sillimaniarneq atortinneqarpoq sapinngisamik qulakkeerniarneqarluni illit kortit Internet atorlugu atornerlunneqannginniassammat.

Taama iluarsiineq Internetikkut pisiniarfinni tamani ulloq taanna aallartinneqartanngilaq – tamannali pisiniarfiit ataasiakkaat piareerneri ilutigalugit ingerlaavartumik pissaaq.

Visa imaluunniit Mastercard pillugit mail-it salluliuutit
Sullittakkagut ilaanneeriarlutik mail-inik salluliuutinik Visa, MasterCard, Nets imaluunnit aningaaserivimmeersutut isikkulinik tigusaqartarput. Aamma takussutissaqarpoq SKAT-iminngaanneertuusaartitanik Tamakku akuttunngitsumik qallunaatut kukkunilinnik allagaasarput, kisianni peqquserluttut pikkorissiartuinnarput mailit piviusorpaluttut sanasarlugit aammalu akuttunngitsunik aningaasanik utertoorutissannik neriorsuutitaqartarlutik.

Mail-ini salluliuutini tamakkunani tigusisoq kajumissaarneqartarpoq paasissutissanik mianernartunik (kortnormut, ulloq atorunnaarfissaat, kisitsisit ilisarnaatit, CPR) link-i atorlugu tunniusseqqullugit. Mail-it taamaattut ussiiniutaapput, peqquserluttullu taamaaliorlutik kortinik piginnittut paassissutissaataannik pissarsiniartarput kortillu akiliutit atornerlunniarsaralugit.

SKAT,Visa, MasterCard, Nets aningaaserivilluunniit sullitanut, link-it aqqutigalugit paasissutissanik tunniusseqqusillutik toqqaannartumik mail-inik sullitanut  NASSIUSSINAVIANNGILLUINNARPUT.

Illit qanoq iliussavit?
Mail-imik taamaattumik tigusaqaruit:

• Piiassavat
• Illit pillutit paasissutissanik kortimiittunik tunniussissanngiluinnarputit

Paasissutissanik ilinnut tunngasunik tunniussereersimaguit korti/kortit paasissutissanik tigusiffigisimav´satit piaarnerpaamik matutissavatit. Aningaaserivik matoqqappat Neta-mut sianerit•

Akiliut, Dankort imaluunniit Visa/Dankort matutinniarukku uunga sianissaatit:

• +45 44 89 29 29

Mastercard (Debit Kredit kortilu) matutinniarukkit uunga sianissaatit:

• +45 44 89 27 50

Taanna ulloq unnuarlu ammajuaannarpoq.

Eqqaamajuk:

• Paasissutissanik kortimiittunik link-imut mail-imiittumut TUNNIUSSSINNGISAANNARIT
• Link-imut mail-imiittumut klik-inngisaannarit - mailili piiaruk
• Kortit atornerlunneqarnersoq nalorniguit kortit piaarnerpaamik matujuk