Kort-it pillugit siunnersuutit
Kortit akiliinermut atorneqartartut akileeriaatsit isumannaannersat ilagaat, taamallu kortit atornerinut atatillugu atornerluisinnaaneq annikitsuararsuulluni. Siunnersuutit pitsaasut makku malikkukkit isumannaatsuuneq suli annertunerusoq peqataaffigisinnaavat.
1. Siunnersuutit pitsaasut
2. Kortit nunani allani atornerini siunnersuutit pitsaasut
3. Kortit tammassappat imaluunniit tillinneqassappat
4. Nittartakkatigut paasissutissat erseqqinnerusut
1. Siunnersuutit naatsut pitsaasut
Atulinnginnerini
•Kortit aningaasatut tigussaasutut eqqarsaatigiuk. Taamaammat angerlarsimaninni allamiikkaangavillu isumannaatsumik toqqorsimasariuk. Assersuutigalugu saqqumitillugu ilisassanngilat.
• PIN-kode alanngaarsinnaanngorlugu ilikkaruk. Kode-vit tamatigut eqqaamasinnaanera qularutigigukku PIN-kode-mut eqqaamatitsissut atussavat. PIN-kode-mut eqqaamatitsissut uani pissarsiarineqarsinnaavoq; www.dankort.dk imaluunniit GrønlandsBANKEN’imi
• PIN-kode inunnut allanut tunniutinngisaannaruk – ilinnuinnaq tunngavoq illillu kisivit ilisimasussaavat
• Allanut atatillugu PIN-kode qarasaasiamut isissutissatut allatulluunniit atortassanngilaq
Atornerata nalaani
• Kisitsisit toortarnerini PIN-kode isertuutissavat. Kode-p toortarnerani allanut takutinnaveersaassavat
• Aningaasat nalunaarsorneri sioqqullugit uppernarsaammik atsiunngisaannassaatit
• Uppernarsaat eqqaamassavat, kingornalu misissuinissannut toqqorlugu
• Kortimi titarneq kajungerisamut attaveqarfia mianersuutiguk. Titarneq kajungerisamut attaveqaat kajungerisaqartunut qallivallaarpat titarneq aserorsinnaavoq
• Kortip ullormi qaangiuffissaa nakkutigiuk. Ulloq qaangiutereerpat korti atorneqarsinnaanngilaq.
Atoreernerani
• Konto-nni inissitsiterinerit misissukkit – Netbank-it atorlugu imaluunniit konto-nik nalunaarsuutikkut.
• Kortivit annaasimannginnera akuttunngitsumik misissortaruk.
• Kortit tammarsimappat imaluunniit atornerlunneqarsimasoq pasitsaakkukku ingerlaannarlutit qisuariassaatit. Piaarnerpaamik GrønlandsBANKEN imaluunniit Nets attaveqarfigiuk
2. Kortip nunani allani atornerani siunnersuutit pitsaasut
Eqqarsarluarlutit PIN-kode’t atortaruk
Nunani allaniitillutit PIN-kode’t taamaallaat makkunani atortassavat; aningaasanik tigusisarfinni, aningaasanik akiliisarfinni aamma pisiniarfinni Visa-mut ilisarnaammik allagarsiisoqarsimatillugu.
Pas-i eqqaamajuk
Nunani allani aningaaseriviit karsiini aningaasanik tigusiniartillutit nunat allamiut aningaaseriviisa pas-i apeqqutiginiakkajuttarpaat.
3. Korti tammarpat imaluunniit tillinneqarpat
Kortit tammarpat tillinneqarpalluunniit nalunaarutigipallassavat. Taamatullu pasitsaassaaqaruit PIN-kodet alapernaanneqartoq imaluunniit kortit kortnormulluunnit inunnik allanik atorneqakulappat. Piaartumik GrønlandsBANKEN attavigiuk uunga
imaluunniit Nets-imut:
- Oqarasuaat +45 44 89 29 29 (Akiliut kort, Dankort imaluunniit Visa Dankort)
- Oqarasuaat + 45 44 89 27 50 (MasterCard Debit imaluunniit Kredit kort)
Taamaaliguit makku nalunaarutigissavatit; atit aamma najukkat, aningaaseriviup taaguutaa aamma kortivit normua, konto-it normua imaluunniit cpr.nr. Taamaalippat kortit ingerlaannatumik matuneqassaaq atorneqarsinnaajunnaarlunilu.
4. Nittartakkatigut paasissutissat erseqqinnerusut
Internet-ikkut nittartakkat makku atorlugit qarasaasiakkut erseqqinnerusumik paasiniaasinnaavutit.
www.crimprev.dk
www.dankort.dk
www.nets.eu/dk
|