Letsikring

Letsikring toqqissisimanartitsivoq qimagaasunullu qulakkeerinnilluni.

Letsikring tassaavoq sillimmasiineq qulakkeerinninnermik siunertalik, 67-nik ukioqalertinnak toqussagaluaruit qimataasut ataasiartumik akileraarutitaqanngitsumik akiliiffigineqarnerannik.

Letsikring qanoq pissarsiarissaviuk?
Kikkulluunniit 60-nik ukioqalersimanngitsut, aningaaserivimmilu aalajangersimasumik sullinneqartut, kiisalu peqqissutsikkut naammaginartumik paasissutissiisinnaasut sillimmasertissinnaapput.

Letsikringip suut matussusissavai?
Sillimmasiinerup pingaarnertut aningaaserivimmut akiitsut matussusissavai. Angingaaserivimmut akiitsoqaraanni taarsereerpata sinneruttut qanigisanut (aapparisaq/kingornussisussat/ kingornussisussallu allat) akiliutigineqassapput.

Letsikring qanoq akeqarpa?
Akiliutigisartagassaq ukiumoortumik ukiut tamaasa aalajangerneqartarpoq. Akiliut allanngortitassaanngitsoq (akit malillugit akiliut) sillimmaserneqartut ukioqqortussusiisa agguarnerat tunngavigalugu aalajangerneqartarpoq, kiisalu Letsikringip akigititai Finanstilsynet-imut nalunaarutigineqartut tunngavigalugit. Akigititaq bonus-iliisoqarsimappat millisinnaassaaq taamaattumillu aaqqiissummi ajoqusernerup qanoq ingerlanera aamma apeqqutaalluni.

Sillimmat akilernerani saniatigut aamma aningaasartuutinut ukununnganut akiliissaatit:

• Sillimmat sananera – maannakkut 150,00 kr.
• Allaffissornermi ukiumut 150,00 kr. 1 januar akilerneqartartoq
   

Matussusiinerup unitsinnera
Sillimmasiineq qaammatit pingasukkaat naanerini unitsinneqassaaq, imaalisoqarsimappat:

• Sullinneqarnerup unitsinneqarnerani
• Akiliutigisartakkat unitsinneqarpata
• 67-nik ukioqalernermi
• Isumaqatigiissusiorsimasut arlaata isumaqatigiissut unitsippagu

Siunnersortigisat attavigiuk qanorlu periarfissaqarnerit pillugu pituttorsimaffiunngitsumik oqaloqatigalugu.