Ilaqutariinnut sillimmasiineq

Ilaqutariinnik sillimmasiineq
Ilaqutariinnik sillimmasiinerup pigisatit kisiisa matussusissanngilai, aammali angalanermi nassatat, akisussaaffeqarnerit kiisalu eqqartuussiveqarnermi ikiorserneqarneq.

Ikuallannermik, innaallagissamik ajutoornermik, erngup ajoqusiineranik, tillinniarfigitinnermik, tilliffigitinnermik ujajaaffigineqarnermik kiisalu aserorteriffigineqarnermik nalaanneqarsinnaavutit. Imaluunniit inuup allap pigisaanik aseruininni tamakkiisumik akisussaatinneqarsinnaavutit.

Pisuni tamakkunani tamani ilaqutariinnik sillimasiineq matussusiisarpoq, taamaalilluni ilinnut ilaquttannullu angerlarsimaffissinni toqqissisimanerulersitsilluni.

Ajutoornermi sillimmasiineq
Ajutoornerit imaluunniit ajunaarnerit eqqartorusuppallaartanngilagut, tamattali ajutoornernik eqqorneqarinnaavugit, tamatigungajallu tassanngaannaq ilimagineqanngitsumillu takkuttarlutik.
Ajunaarnermi sillimasiineq innarluuteqalernermi toqunermilu taarsiiffigineqarnermik kinguneqartarpoq. Tamatuma kingunerisaanik arlaannik pisoqarpat ilaqutariinni inuunissi inissisimanera appangaatsiassanngilaq.
Pisariaqartitatit malillugit sillimasiineq tulluussarneqarsinnaavoq.

Illumik sillimmasiineq
Illlumik sillimmasiinerup matussusertarpai ikuallannermi, kallermik eqqorneqarnermi, qaartoornermi, innaallagissamik ajutoornermi, aputip naqitsinerani, anorersuup ajoqusiinerani, illumik attartortitsinermi annaasaqarnermi malitsigisaannik ajoqusiinerit kiisalu illumik piginnittutut akisussaaffik aamma eqqartuussiveqarnermi ikiorserneqarneq. Taamattaaq illup aserorteriffigineqarnerani matussusiiffigineqassaatit.

Biilinik sillimmasiineq
Biilinik sillimmasiinermut ilaapput akisussaaffeqarnermut aamma atortunik ajoqusiinermut sillimmasiineq. Akisussaaffeqarnermut sillimmasiineq inatsisitigut piumasaqaataavoq, tassanilu inunnik ajoqusiinermut 50 mio. kr. angullugit kiisalu atortinik ajoqusiinermut 10 mio. kr. angullugit matussuusiineq.
Atortunik ajoqusiinermut sillimmasiinerup matussusissavaa illit nammineq biilerisanni ajoqusiineq, taannallu atorlugu biilitit ajoqusissagaluarukkit aningaasartuutit tassanngaannartumik nuanniitsumillu takkuttut qularnnaarsinnaavatit.
Piffissap sivisunerusup ingerlanerani ajoqusernak aqqusinikkut angalaarsinnaassaguit sillimmasiinermut akiliutinnik akikillisaavigineqarsinnaavutit.

Angallatinik nuannaariutinik sillimmasiineq
Angallatit nuannaariutit sillimmaserneqarneranni matussuserneqartarput allap angallataa aporlugu ajoquserukku, imaluunniit inummik allamik ajoqusiisooruit.
Piffissami sivisunerusup ingerlanerani ajoqusernak imaatigut angalasinnaassaguit sillimmasiinermut akiliutinnik akikillisaavigineqarsinnaavutit.

Qimminnik sillimmasiineq
Qimmeqarneq pillugu inatsit Kalaallit Nunaanni atuutinngilaq. Sillimmasiinerup matussusissavai sumiiffimmi/najukkami ileqqoreqqusat ileqqullu naapertorlugit. Sillimmasiinerup matussusissavai qimmit uumasunik allanik imaluunniit inuit taakkulu pigisaannik ajoqusiippat.

Sillimmaseeriaatsinut ataasiakkaanut matussutissatut inissisimaffiit akillu qanoq innersut tusarniarlugit siunnersorterisat attaveqarfigiuk.