Aningaasarsiornermik paasisimasaqarneq

Aningaaserivittut immikkut pisussaaffigalugu misigisimavarput inuiaqatigiinni kalaallini aningaasarsiornermik annertunerusumik paasisimasaqarnissamik pilersitsisariaqarluta. Qularutiginngilarput aningaasarsiornermut pissutsinik ilisimasaqarnerulersitsinermi siunissami ungasinnerusumi inooqatigiinnermi ajornartorsiutinik oqilisaaqataasinnaalluta, atugarissaarnerlu nalinginnaasoq qaffassarlugu.

Suliaq tamanna aallarteqqammerparput, aallaqqaammullu meeqqat atuarfianni klassit annerit ilaat pulaarfigivagut, kiisalu nuiernermik ilinniarfinni aamma ilinniarnertuunngorniarfinni ilinniartut, inuinnartut aningaasaqarneq pillugu paasisitsiniutigalugu, soorlu ulluinnarni pisiniarnerni aningaasat qanoq amerlatigisut atortassagaat, qaammatillu ingerlanerani aningaasartuutit aalajangersimasut.

Tamakku saniatigut ilaatigut atuartunut minnerumaartunut qarasaasiakkut aningaasat pillugit pinnguaasiortitsiniarpugut, neriuppugullu taanna 2013-ip naannginnerani naammassineqassasoq.