Inuiaqatigiinnut akisussaaffeqarnermut politikki

GrønlandsBANKEN-ip CSR-imik suliniuteqarnerani anguniagaq pingaarneq tassaavoq, inuiaqatigiinni unamminartut iluarsiiffigeqataassallugit, Kalaallit Nunaanni piujuartussamik siuariartorneq pilersinneqassammat.

Inuiaqatigiinnut akisussaaffeqarnermi politikkip naleqartuutigut tunngavigai; piginnaasaqarneq, torersuuneq, aallussineq aamma tamatigoortuuneq kiisalu ’Kalaallit Nunaanni Suliffeqarfiit Pitsaanersaat’nngornissatsinnut siunniussarput, inuiaqatigiinnilu pitsaasumik ineriartornermi siunissamut ungasinnerusumut peqataanissatsinnik qulakkeerinninnissaq.

Inuiaqatigiinnut akisussaaffeqarnermi suliatta tunngavia tassaavoq, aningaaserivimmik ingerlataqarnitsinni inuiaqatigiinni kalaallini patajaassutsip siuariartornerullu akornanni oqimaaqatigiissitsinissamik qulakkerinneqataanissaq. Taamaammat siuariartornermik piujuartussamik pilersitseqataanissarput sulissutigiuarparput, ilutigitillugulu aningaasarsiornikkut patajaassutsip maangaannartinnissaa pinngitsoortissallutigu.

Aningaaseriviup CSR-imut suliniutaanut aallutassat pingasut toqqarsimavai, tassalu inooqatigiinnermi aamma piumassutsimik peqataaneq, aningaasarsiornermik paasisimasaqarneq aamma pissarsiariuminassuseq.

Aallunniakkatta saniatigut ulluinnarni ingerlatsinitsinnut ilanngullugu Kalaallillu Nunaanni avatangiisit nunarsuarmilu silaannaq illersorniarlugit suliffeqarfitta iluani avataanilu avatangiisinik eqqumaffiginninnerunissamut peqataanissarput sulissutigaarput. Ilisimasagut suliffeqarfitta avataanut saqqummiunnerisigut avatangiisinik piujuartitsinissaq tunngavilersussavarput. Suliffeqarfitta iluani avatangiisit silaannarlu pillugit sulisut eqqumaffiginninnerisa annertusarnissaa sulissutigissavarput.

Taakkununnga assingusumik Kalaallit Nunaanni piginnaasanik qaffassaanissaq sulissutigissavarput – nammineq suliffeqarfigisatsinni aamma inuiaqatigiit ataatsimut isigalugit. Sulisugut pissuussutini isumalluutitta pingaarnersaraat – taamaammat suliffeqarfitta iluani sulisutsinnut tamanut piginnaasanik ineriartortitsineq aallutissavarput. Suliffeqarfitta avataani Kalaallit Nunaanni ilinniartitaanerup siuarsarnissaa sulissutigissavarput, ilaatigut maligassiuisunik atuinikkut allanillu sammisaqartitsinikkut.

Anguniakkatta eqquutsinnissaat qulakkeerniarlugu suliniutigut ingerlaavartumik uuttortassavagut, soqutiginnitsigullu CSR-imi suliniutigut pillugit paasissutissanik pissarsisarnissaat qulakkeerniarlugu tamakku pillugit ukiumoortumik nalunaarusiatsinni nittartakkatsinnilu nalunaarusiortassaagut. Tamakkununnga ilutigitillugu CSR Greenlandimi suliniuteqaqataasutut ilaasortatullu Kalaallit Nunaanni inuiaqatigiinnut akusussaassuseqarnerup siuarsarnissaa eqeersimaartumik peqataaffigissavarput.