Nationalbanken-ip erniaanik 9. aamma 16. decmber 2011-mi 0,25 aamma 0,10 % pointinik appartitsineranut atatillugu ileqqaakkanut nikerartumik erniaalersuinermut akit 0,25 %-it angullugit GrønlandsBANKEN-ip appartippai.

Aningaasarsiornerup iluani aningaasarsiornermi aningaasaateqarnermilu aningaasartuutit amerliartuinnartut tunngavigalugit ileqqaarnermi akiitsorsinnaanermilu nikerartunik erniaaritinneqartut GrønlandsBANKEN-ip 0,5 procentpoint-it angullugit qaffatsittariaqarpai.

Tamakku saniatigut aningaasanik niueqatigiinnermut tunngasunik taarsigassarsiat qaffasinnerpaaffissatut erniaalersorneri 0,50 %-it angullugit qaffanneqarput.

Biilitaarnissamut taarsigassarsianut, angallatitaarnissamut taarsigassarsianut, illutaarnissamut taarsiassarsianut aamma Iserit-imut taarsigassarsianut erniaalersuutit allanngortinneqanngillat. Tamatumunnga ilutigitillugu Nutarsaaneq-mut erniaat 1,00 procentpoint-inik appartinneqarput.

Erniaanik allannguinerit atuutsinneqalissapput ulloq 3. februar 2012.

Malugeqquneqassaaq ileqqaarnermut taarsigassarsianullu erniaanut akigitinneqartutut taaneqartut suulluunniit allanngorartuummata, taamaalillunilu aningaaseriviup tungaaniit qaqugukkulluunniit allanngortinneqarsinnaallutik.

Erniaanut akigitinneqartut nutaat pillugit aningaaseriviup immikkoortortai erseqqinnerusumik ilisimatitsissutigisinnaavaat. Taamattaaq konto-ni ileqqaarnermut taarsigassarsinermullu erniaaritinneqartunut akit nalinginnaanerusut aningaaseriviup nittartagaani takuneqarsinnaapput: www.banken.gl