GrønlandsBANKEN | Imaneq 33 | Postboks 1033 | 3900 Nuuk | Telefon + 299 70 1234 | banken@banken.gl | SWIFT: GRENGLGX | CVR: 80050410
Maannakkut GrønlandsBANKEN-i Finanstilsynet-mit tikeraartoqarpoq. Nalunaarsusiat uani takukkit Nittartakkamut malittarisassat paasissutissalluatuakkit.
Ataatsimeersuaarnermi allattaavik 2024
GrønlandsBANKEN ulloq 20. marts 2024 nal. 16.00 (UTC -02) nalinginnaasumik ataatsimeersuaartitsissaaq GrønlandsBANKENip qullersaqarfiani (kantiinami), Imaneq 33, 3900 Nuuk ataatsimeersuarneq qarasaasiakkut ingerlanneqassaaq Nuummili GrønlandsBANKENimi ornigullunili aamma peqataasoqarsinnaavoq. Aggeqqusissut uani takusinnaavat.
Iserneq isernissamullu allagartaq
Ataatsimeersuarneq aktiaatilinnut aggeqqusissut naapertorlugu peqataasussatut allattorsimasut peqataasinnaapput. Ataatsimeersuarnermut peqataanissamut piumasaqaataavoq internetimut attavilersinnaasumik elektroniskiusumik atortorissaaruteqarnissaq, ass. tableti imaluunniit smartphone kiisalu MitID imaluunniit VP-ID, ataatsimeersuarnermut portali internetimiittoq iserfiginissaanut atugassaq.
Atortorissaarut elektroniskiusoq internetimut attavilersinnaasoq ikiortigalugu elektroniskiusumik peqataasut imaluunniit Nuummi takkulluni peqataasut ataatsimeersuarnermut portali atorlugu nalunaarsorneqassapput. Ataatsimeersuarnermut portali aqqutigalugu ataatsimeersuarnerup ingerlanerani taasinermut peqataanissaq kiisalu allakkanik ilanngutassiilluni nassiussinissaq periarfissaassaaq. Ataatsimeersuarneq qallunaatut ingerlanneqassaaq Nuummili ornigullunili peqataanermi kalaallisuumut nutserisoqassaaq.
Ataatsimeersuarnermut peqataanissamut nalunaareeruit ataatsimeersuarnermut portalimut linki e-mailikkut nassiussarsiarissavat. Aktiaatillit peqataanissamut nalunaarnikut kiisalu inuit pulaarnissamut korteqartut GrønlandsBANKEN-ip Nuummi qullersaqarfianut ornigussinnaapput imaluunniit ataatsimeersuarnermut portali aqqutigalugu peqataasinnaapput, peqataaniaraannili ataatsimeersuarnermut portalimut internettikkut isersimanissaq piumasaqaataavoq. Siusinaartumik taaserusukkuit aningaaseriviup Investorportal-ia aqqutigalugu imaluunniit pisinnaatitsissutip nassiunneratigut periarfisssaavoq, linkia aajuna.
Aktiaatillit tallimanngorneq ulloq 15. marts 2024 tungaanut Euronext Securities nittartagaa www.euronext.com/cph-agm aqqutigalugu imaluunniit investorportalen aqqutigalugu isissutissamik tunineqarsinnaapput. Peqataanissamut nalunaareeruit e-mail-ikkut uppernarsaammik nassinneqassaatit. E-mail-ip imarissavaa ataatsimeersuarnermut portalimut linki kiisalu ilaannakortumik elektroniskiusumik ataatsimeersuarnerup ingerlanneqarnissaa pillugu paasissutissat. MitID-milluunniit peqanngikkuit aningaaseriviup investorportalia aqqutigalugu VP-ID pilersissinnaavat.
Malugeqquneqarpoq aktiaatillit kingusinnerpaamik pingasunngorneq 13. marts 2024 (ulloq nalunaarsuiffik) pisinerminnik nalunaarutiginnissimasut uppernarsaasimasullu kisimik ataatsimeersuarnermi taaseqataasinnaatitaammata.
Allakkatigut taasineq
Aktiaatillit Euronext Securities nittartagaa www.euronext.com/cph-agm imaluunniit investorportalen aqqutigalugu allakkatigut taasisinnaapput. Allakkatigut taasinissamut immersugassaq ugguuna anisinneqarsinnaavoq uungalu nassiullugu Euronext Securities, Nicolai Eigtveds Gade 8, 1402 København imaluunniit e-mailikkut nassiullugu uunga til CPH-investor@euronext.com. Allakkatigut taasinerit Euronext Securities-ip marlunngornermi ulloq 19. marts 2024 nal. 16.00 (UTC -02) kingusinnerpaamik tigoreersimassavai.
Pisinnaatitsissut
Aktiaatillit siulersuisumut inummulluunniit allamut pisinnaatitsissummik tunniussisinnaapput.
Pisinnaatitsissut Euronext Securities nittartagaatigut www.euronext.com/cph-agm imaluunniit investorportalen aqqutigalugu nalunaarutigineqarsinnaavoq. Pisinnaatitsissummut immersugassaq aamma ugguuna anillatsinneqarsinnaavoq uungalu nassiullugu CPH-investor@euronext.com imaluunniit allakkatigut uunga nassiullugu Euronext Securities, Nicolai Eigtveds Gade 8, 1402 København. Pisinnaatitsissut Euronext Securities-ip tallimanngorneq ulloq 15. marts 2024 kingusinnerpaamik tigoreersimassavaa, tamatumani pisinnaatitsissummik tunniussinermi piffissaq eqqorlugu isissutissiineq tunngavigineqanngippat.
Ilaatigut elektroniskimik ileqquusumik ataatsimeersuarnermik ingerlatsinermut atatillugu teknikkikkut piumasaqaatit
Innersuussutigaarput, ileqquusumik ataatsimeersuarnerup aallartinnginnerani, qulakkiissagit, atortorissaarut, ileqquusumik ataatsimeersuarnermi peqataanermut atukkat piumasaqaatinik tulliuttunik naammassinnissasoq:
- Ileqquusumik ataatsimeersuarnermut portali ’evergreen-browser’-inik taaneqartartunit iserfigineqarsinnaavoq PC/Mac-ikkut, mobilikkut aamma tablet/iPad-ikkut. Safari aamma atorneqarsinnaavoq, evergreen-browser-iunngikkaluartoq.
- Ileqquusumik ataatsimeersuarnermut portali ammarneqarsinnaavoq browserini Edge, Chrome, Firefox aamma Opera.
- Ileqquusumik ataatsimeersuarnermut portal hovedversionini nutaanerpaani ammarneqarsinnaavoq Mac-imi, iPhone-mi aamma iPad-imi. Apple-imeersumik pisoqaanerusumik atortorissaaruteqaruit, immaqa Safari-version-imik atorsinnaasumik opdateriisinnaanngitsumik, Chrome-browser installerersinnaavat taannalu atorlugu.
- Aallakaatitsinermit pitsaassuseq pingaaruteqarpoq, pitsaasumillu aallakaatitsinermut attaveqarniaruit minnerpaamik attaviit 5-10 Mbit/s-iussaaq.