Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

Qassit.gl

Qassitforsideindhold

Ilinniartitsissusiaqn Qassit.gl nutaajuvoq atuarfimmilu 8. – 10. klassini matematikimik inuiaqatigiinnilu pissutsinik ilinniartitsinerni saniatigut atugassaqqissuulluni.

Oqaluttuat suliakkiissusia, ilaatigut efterskolerniarluni sipaarnissamut aamma angajoqqaanit nuulluni nammineq initaarnermut tunngasuliaq aqqutigalugit procentilerineq aammalu ulluinnarni aningaasaqarniarnermut tunngasut kisitassalersorlugit kiisalu aningaaserinerup suuneranik ilinniusiaq atorlugit Qassit.gl ilinniartitsinermi atugassiaavoq.

Kisitsisileraluni suliassat imaannaanngitsut

Qassit.gl atussagukku IT atorlugu iserfigissavat aammalu kisitsiffissiat atorlugit ulluinnarpalaartunik aaqqinniagassanik unammiugassaqassaatit.

Qassit.gl atorlugu suliakkiissusiat qaffasissumik pitsaassuseqartuupput, taakkunani ukiup ingerlanerani ilinniagassatut aqqusaagassat ulluinnarpalaartumillu eqqarsarluni suliassat makku attualaarneqarlutik:


• Suliffeqarneq aningaasarsiaqarnerlu
• Aningaasartuutit missingersuusiornerlu
• Inigisamut akiliuteqartarneq
• Nunat allat aningaasaanik sammisaqarneq
• Ileqqaarinissaq
• Ernianut tunngasut
• Aningaasaliisarneq (uninngasuutinik erniortitsiniarneq) (aktiat/piginneqataassutsit obligationillu aqqutigalugit)

Qassit.glilu ilinniartitsisunut ilitsersuusiartaqarpoq, atuartunut atuagassartaqarluni kisitsinermillu suliakkiissutitaqarluni Namminersorlutik Oqartussat matematikimut atatillugu ilinniartitsinissami piumasaqaatigisaanut naapertuussagaasunik.

Aningaaserinerup suuneranik paasititsiniaaneq

Qassit.gl atorlugu ilinniassavat siunissaq pillugu toqqissisissutissamik pilersaarusiornissaq qanoq aningaasassaqartinneqartoq aamma kissaatitut takorluukkat pissarsiarisinnaanissaat piviusunngortinnissaallu eqqarsaatigalugit.

Qarasaasiaq atorlugu pinguaatiliaq PC imal. Tablet atorlugit ingerlanneqarsinnaasuuvoq. Aammali iluaniittunik aallerluni imal. USB-mut toqqorsilluni attaveqanngikkaluarluni atorneqarsinnaavoq.

Assiliartaanik skærmimut saqqummiussinerup erseqqaarissusia 960 x 540 pixelinik initussuseqarpoq. Qassit.glilu tamakkiisumik erseqqarissusilerlugu imal. attavigissaarfiunngitsunut naleqqussagaasumik qumartillugu atorneqarsinnaavoq.

Qassit GrønlandsBANKENimit ineriartortitaavoq GrønlandsBANKENS Erhvervsfondimit (Namminersorlutik Inuussutissarsiuteqartunut sammisumik Aningaasaateqarfimmit) tapigiffigineqartumik. Qassit.gl Serious Games Interactive, Inerisaavik aammalu atuartut ilinniartitsisullu suleqatigalugit ineriartortitaavoq.

Qassit.gl-imut tikilluarit

Teknik-ikkut unammilligassaqaruit, apeqqutissaqaruit imaluunniit Qassit pillugit oqaasissaqaruit qassitsupport@banken.gl atorlugu atassuteqarfigisinnaavatigut.

» Atassuteqarfigitigut