Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

Aningaasaliinissamik Katuarlu isumaqatigiissusiorput

16. decembari 2011

Grønlandsbanken aamma Katuaq – Kulturip Illorsua nunatsinni kulturikkut sammisaqartitsisarnissanut isumaqatigiissusiorput. Kulturip nunatsinnut pingaaruteqassusaa paaseqatigiissutigalugu isumaqatigiissusiorlutik.

Isumaqatigiissutip imaraa ukiuni pingasuni, piffissami 2012-imiit 2014 ilanngullugu atuuttussamik Grønlandsbankip kulturi ukiumut 250.000 kroninik tapiiffigisassallugu. Tapiisarnissamik isumaqatigiissuteqarnikkut Katuami nuummiittumi, illoqarfinnilu allani kulturikkut aaqqissuussat amerlanerusut piviusunngortissinnaasassavai. 

Aningaaseivimmi Grønlandsbanken-imi pisortaq Martin Kviesgaard ima oqaaseqarpoq:
”Grønlandsbanken-ip aalajagiussimavaa Kalaallit Nunaanni kuluri tapiiffigerusullugu, nalunnginnatsigu kulturi inuppassuarnut pitsaasumik malunniuteqartartoq, inersimasunut, inuusuttunut meeqqanullu. Aningaasanik tapiissuteqarnikkut naqissuseeqataavugut suliffeqarfiit peqatigalugit kulturip ineriartortinneqarnissaa pisariaqarmat, tamannalu nuannaarutigaarput peqataaffigisinnaagatsigu.”

Katuami pisortap, Julia Pars-ip nuannaarutigaa Grønlandsbankip kulturimik tapersersuinera:
”Katuamit erinigaarput kulturikkut aaqqissuinissarput tapiissutit taakkua tunngavigalugit. Maannamut pilersaarusiulereerpugut aningaasaliissutit aappaagumut sunut atussanerlutigit. Katuamit qangalili neriuutigisimavarput suliffeqarfinnit tapiissutaasartut amerlinissaat, tapiisarnerlu illuttut iluaqutissartaqarpoq. Katuamit aningaasatigut tapiissut iluaqutigalugu siammasinnerusumut apuussinnaalissaaq, kultuurikkullu aaqqissuussat amerlanerusut pilersissinnaassallugit, Grønlandsbanken-ilu aningaasaliissutit aqqutigalugit aaqqissuussatigut inuiaqatigiinnut pitsaasumik malunniuteqarsinnaassalluni.”

Aningaasatigut tapiissut tapiisarnikkut pilersaarut nutaaq aqqutigalugu suliaasimavoq, tapiisarnikkullu pilersaarut nutaaq taanna taaneqarpoq Katuap suliffeqarfiit aningaasaliisartui.

Paasisaqarnerorusuttunut attavissat:

Pisortaq Martin Kviesgaard, Grønlandsbanken
Oqarasuaat 34 78 02

Pisortaq Julia Pars, Katuaq – Grønlands Kulturhus
Oqarasuaat 36 37 71
Oqarasuaat angallattagaq 55 36 91