Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

Grønlandsbankenimi 2011-mi aningaasarsiornermik ilinnialerneq

20. januari 2011

 

Augustusip 15-ianit ilinniartunik nutaanik pissarsiorpugut.
 
Qiimasuuguit, namminersorsinnaaguit ilinniarninnullu akisussaaffeqarusukkuit ingerlaavartumillu ineriartorusukkuit, immaqa pileritsaatissavatsigut.
 
Kalaallit Nunaanni suliffeqarfiit pitsaanersaattut siunniussatsinnut peqataarusuttunik ilinniartussarsiorpugut.
Aningaaserivimmi suleriaatsitsinni oqaatsit aallaavigut tassaapput aallussineq, torersuuneq, piginnaasaqarneq tamatigoortuunerlu.
 
Ilinniarneq pillugu naatsumik:
 
Aningaasarsiornermik ilinniartutut ilinniarneq ukiuni marlunni sivisussuseqarpoq, atuartarneq praktikkertarnerlu ataatsimoortillugit ingerlanneqartarlutik. Praktikkerneq aningaaseriviup immikkoortuini illoqarfinnilu immikkoortortaani assigiinngitsuni ingerlasarpoq.
 
Ilinniarneq Danmarkimi aningaasarsiornermik ilinniarnerup assigaa, ukulu suleqatigalugit ingerlanneqartarluni; Finanssektorens uddannelsescenter aamma Niuernermik Ilinniarfik.
Aningaasarsiornermik ilinniarnerup ingerlaqqiffia taaneqartarpoq Aningaasarsiornermi siunnersuinermi qaffasinnerusumik ilinniaqqinneq, aningaaseriviullu naatsorsuutigaa aamma taanna naammassissagit.
 
Ilinniarneq pillugu annertunerusumik ukunani atuarsinnaavat; www.ninuuk.gl imaluunniit www.finansudd.dk
Ilinniarneq pillugu apeqqutissaqaruit soorunami attaveqarfigisinnaavatsigut.
 
Ilinnialernissamut piumasaqaatit
Aningaasarsiornermik ilinniartutut isersinnaassaguit ilinniarnerit makku arlaat naammassisimassavat:
 
HHX, NI1 imaluunniit TNI18
 
Neqeroorutigisinnaavagut:
Suliffeqarfik soqutiginartoq ineriartorfiusorlu, soorunami ilinniartunik siunnersuisartumik peqataatitsineqassaaq.
 
Akissarsiat Finansforbundet-ip aamma Sulisitsisut Peqatigiiffiata akornanni isumaqatigiissutit qaqugukkulluunniit atuuttut malittarpaat.
Ulloq 1. august akissarsiat amerlassuserissavaat kr. 14.025,08.
 
Tamakku saniatigut ilinniarnerup nalaani inissaqartitsineqarpoq, malittarisassat atuuttut malillugit ineqarnermut akilerneqartartussaq, siumullu qularnaveeqqutinik akiliineqartussaalluni.
 
Aningaaseriviup sulisuinut peqataanissat kajungerigukku qinnuteqaat uunga nassiutissavat:
 
Sulisoqarnermut Pisortaq Patricia Lund Olsen plo@banken.gl kingusinnerpaamik 9.februar 2011.
 
Qinnuteqarnermi uagutsinnut iluaqutissatut siunnersuutit pitsaat:
 
  • Sooq aningaaserivimmi ilinniartoorusunnersutit
  • Sooq illit toqqassaneritsigit 
  • Suut pikkoriffiginerlugit allaaserilaassavatit, assersuusiulaarsinnaavutit.
 
 
Sunngiffimmi soqutigisat
 
Sunngiffiit qanoq atortarpiuk
 
  • Sunngiffinni sulisarneq (tassanngaanniit oqaaseqaatinik ilanngussissaatit)
  • Allanik ilinniarsimaneq 
  • Soraarummeersimanernit uppernarsaatit ilanngunnissaat eqqaamassavat imaluunniit karakteritit kingulliit. 
Naggataatigut eqqaamasassat; attaveqarfiginissamut paasissutissat soorlu mailadresse, oqarasuaatip normua aamma najugaq.
 
Tusarfiginissat qilanaaraarput.