Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

2011 aamma 2012-imi aningaasaliissutitit

17. januari 2012

Ukiup nutaap aallartinnerani ukiup qaangiuttup 2011-ip nalilersornissaanut piffissanngorpoq, siumullu pisussanut qimerluuissalluta.

Aningaasaliissuteqartarnermi ukioq eqqissiviiffiusoq qaangerparput. Ukioq 2011 aningaasarsiornermi niueqatigiinnikkut ilungersorfiungaarsimaneranik nalunaarutiginninnerpassuarnik ilisarnaateqarpoq. Piffissap  eqqissiviiffiusup aamma euro’p ajalusoornissaanut siooranerup aktiaatinik niueqatigiinneq pilliutigisimavaa, nikerarfiunissaanullu annilaanganeq annertunissaalu ilisarnaataasimallutik. Qulassuteqarnerup aningaasaliisartut amerlasuut aktiaatiminnik aarlerinaatilinnik tunisinernik kinguneqartippaa, pappilissanullu nalilinnut qularnaannerusunut saatsillugit.

Obligation-inik niueqatigiinnermi ilisarnaataavoq aningaasaliisut Europa’p Kujataani nunanit akiitsulinnit pappiliaatitik nalillit erniaatigut qaffakkiartorfiusut tunisimammatigit. Taarsiullugu aningaasaliisut aningaasarsiorfinnut patajaannerusunut saassimapput, nunanilu soorlu Tyskland, USA aamma Danmarkimi obligationinik pisiortorlutik. Aningaasaliisut nunani taakkunani 2011-imi iluanaaruteqarluarsimapput.

Aataatsimut isigalugu aningaasaliisut pappilissanik nalilinnik patajaannerusunik aningaasaliissuteqarnissamut inassutigisanik malinnissimasut 2011 qaangerluarpaat, aktiaatit aamma obligationit eqqarsaatigalugit. Tamatumani danskit obligationiutaat iluanaaruteqarluarnermut ilapittuutaasimapput.

Aningaasaliisut GrønlandsBANKEN/Sparinvest-imit inassutigisanik malinnissimasut kisiisa qimerloorutsigit, pappilissanik nalilinnik iluanaaruteqarneq ukiut 3- 5-it ingerlanerini iluanaarutaat ima isikkoqarput:

  2011 Ukiuni  2009/2010/2011-imi ukiumut iluanaarutit agguaqatigiissillugit
 
Annikitsumik aarlerinaatillit  0,2% 9,3%
Akunnattumik aarlerinaatillit -2,2% 11,1%
Annertuumik aarlerinaatillit -4,4% 11,4%

Taamaammat 2012-imut siunnersuutigissavarput periuserisat aallerinaatilinnut ilisarnaatinni aalajangersimasoq aalajangiusimaannassagit, apparfissaasalu appasinneruffissaat aarlerinarsigaangat uippajaarlutit tunisinissat pinngitsoortittassagit.

Ukioq mannamut naatsorsuutigaarput obligationinik niueqatigiinneq USA-mi allanngoriartornermut Europamilu akiitsoqarnerup ajornartorsiutaanerata ingerlaasianut ilutigitillugu annertuumik qularsimaarnermik sunnerneqaqqassasoq. Taamaammat ilimanaateqarpoq obligatininik erniaalersuinermi maanna inissisimaneq piffissamut sivikinnerusumut sivisunerusumullu 2012-ip ingerlanerani sivisulaartumik atuutissasoq, ukiup naajartuaarneranut erniaaritinneqartut qaffakkiartulaassallutik.

Aktiaatinik niueqatigiinnermi aarlerineq euro-mut aamma USA-mi præsidentimik qinersinissamut saatsinneqassaaq, eqqortunilli aaqqiissuteqarnikkut 2012-imi aktiaatitigut ukiup pitsaasuunissaanut periarfissaqarluarpoq.

Ukioq mannattaaq pingaaruteqassaaq, aktiaatinik obligationinillu pigisavit akornanni eqqortumik agguaassisimanissat, taamaalilluni aarlerinaatinut ilisarnaatit illit kissaatigisannut pisariaqartitannullu tulluulluarsinnaammata. Aggerlutit ataatsimeeqatigiartortigut, aaqqiissut ilinnut tulluuttoq ataatsimoorluta iluarsiniassagatsigu.