Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

Igitassat aamma kusanartunngorsinnaapput

08. novembari 2012

GrønlandsBANKimi saqqummersitani allaat oqummersat manngertornersimasullu  takuneqarsinnaapput

Naja Rosing-Asvid-ip suliai novemerimi decemberimilu GrønlandsBANKimi takuneqarsinnaapput. Saqqummersitani »kissaatit 24-it«-nik taaguuserneqarsimasuni eqqumiitsuliortup  akryl-it atoqqinneqarsinnaasunik igitassanillu akoorlugit torrallavittarsimavai.

Eqqumiitsuliortup meeraanerminiilli suulluunnii silalisimasut alutorisarisimavai, aatsaalli ukiuni kingullerni eqqumiitsuliaminut akulerutalersimallugit.

– Qisumerngit savimerngillunniit silalisimasut immikkut ittumik kusanassuseqalersarput. Soorlumi pinngortitarsuup nammineq alutornarnerulersiinnartarai, Naja Rosing-Asvid oqarpoq:

Suulluunniit ilusaat oqaluttuassartaallu imaluunniit suussusaat uanga eqqumiitsuliortutut tiguartiffigisarpakka. Qalissiarsuamineq qaqqangoriasaartarpoq madrassilluunniit ajorinngujuitsukua ammalortoq seqininngortarluni, aammalu oqummersaq neriuutinut kissaatinulluunniit ilisarnaatinngorsinnaasarluni. Aallartikkaangama aallartitara qanoq inerneqarumaarnersoq nalusarpara. Atorsinnaasut pinnguarileraangakkit oqariartuutaat erseqqissiartulersarput, oqaluttuarlu pilersoq uanga ineriartortittapara.

Eqqumiitsuliaq Symbiose GrønlandsBANKip nerisarfiata iigaani nivingasoq aamma Naja Rosing-Asvidip suliaraa. Eqqumiitsuliaq taanna aamma eqqarsartaaseq taanna tungavigalugu suliarisimavaa, igitassanik atortoqarluni oqaluttuamik nutaamik pilersitsinermigut.

Saqqummersitat »Kissaatit 24-it« decemberip 31-iata tunganut saqqummersinneqartussat eqqumiitsulianik nutaanik pisoqaanerusunillu ilaqarput.
Kukkulluunniit saqqummersitsinerup 8. november nal. 16.00 ammarneqarnissaanut tikilluaqquneqarput.

CV
Naja Rosing-Asvid Aasianni Qaqortumi peroriartorsimavoq.

Kunstakademiets Arkitekskolemi Københavnimiittumi illussanik titartaasartutut ilinniarsimavoq, 2007-imiilli eqqumiitsuliortutut namminersortutut inuusimalluni.

Eqqumiisuliortutut nammineq angerlarsimagffimmini suliffeqarpoq, Nunattali Katersugaasivia saqqummersitassanik ataavartumik atasussanik aaqqissuussinialeraangat siunnersortitut sulisarluni.