Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

Saqqummersitsineq - Appat manniillu gultiusut

14. januari 2013

Eqqumiitsuliortoq
Uanga 1963-mi Saqqamiuni Kujataaniittumi inunngorpunga. Piaartumik titartaaneq soqutigilerpara. Eqqaamavara 5-6-nik ukioqarlunga Qassimiuni tombolartuni arsamik pinnallunga. Arsaq nuannaarutiginngilluinnarpara, tuschimik perusunnerugaluarama. Qiavallaaleqigama kiisa naggataatigut nalligilerpaannga. Tuschinnakkama ingerlaannarlunga titartaalerpunga.

Kingorna Astri Heilmannip titartaanermik ilinniartippaanga, taamaalillungalu qalipaasalerpunga. Qalipaasarneq 1996-imi aallartippara. Qalipaatit acryl-iusut atorlugit qalipaaffissamut annoraaminiusamut qalipaasarpunga. Pinngortitamiittut tunngaviginerusarpakka: Issuatsiaat, naasut, imaq, sikut, ilulissat, aput qaqqallu kiisalu nunatsinni uumasut aalisakkallu.

Katuami, Nuuk Imermi, Nuummi Eqqumiitsulianik Katersugaasivimmi, Hotel Hans Egedemi kingullermillu Kalaallit Illuutaanni Københavnimiittumi saqqummersitsinikuuvunga.

Appat manniillu gultiusut
Massakkut ukiuni arlalinngortuni appanik manninnillu gultiusunik qalipaasarpunga. 90-ikkunni Aalisarnermut, Piniarnermut Nunalerinermullu Naalakkersuisoqarfimmi sulitillungali tamakkulerisalerpunga. Taamanikkut sunngiffimmi aallaaniartartut killilersuiffigineqalerlutik ullormut timmissanik quliinnarnik pisaqarsinnaatitaalermata. Timmissanik ilisimatuut appat nungutaaqqajaalernerarmatigit.

Qalipakkanni ersersinniarpara timmiaatigut paarilluartariaqarigut. Taamaattumik manniit gultinngorlugit qalipattarpakka. Inuilli kisimik tamakkutortannginnerat aamma ersersinnniarpara. Tulukkammi nannullu aamma tamakkutortarput. Appat ikiliartornerat assigiinngitsorpassuarnik peqquteqarpoq. Appat nuuttartuupput, inunnit akorngusersorneqaleraangamik allamut nuuttarput. Aammami nerisassatik malittarisarpaat silallu pissusaanit sunnerneqartarlutik, aammami uumasut timmissallu nujuartat allat timmissat tamakku amerlassusiannut sumilu piaqqiortarnerannut  sunniuteqaqataasarput.

Qalipakkat ilaat uummatitaqarput, asasatsinnik, ilaquttatsinnik minnerunngitsumillu meerartatsinnik paarsilluartariaqarnerput ersersinniarlugu. Taakkumi massakkut siunissamilu isumalluutigaagut.