Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

Saqqummersitsineq - Inuit uumasullu

01. martsi 2013

Eqqumiitsuliortup Laila Bagge Hansenip saqqummersitai Inuit Uumasullu Kalaallit Nunaata immikkoorutaanut tunngasuupput. Tassani takuneqarsinnaapput nunatsinnut attuumassuteqarluinnartut, ulluinnarni inuunermi pinngortitamilu pisartut, eqqummiitsuliortup nammineq misigisaasut oqaluttuatoqqanilu oqaluttuarineqartartutut takuneqarsinnaasut, ullutsinnimi pisartut qangaanerusorlu pisarsimasut imminnut attuumassuteqarluinnarmata.

– Uanga Nunatsinni pisartut aallaavigalugit eqqumiitsuliortarpunga. Kinaassutsitta ataqqineqartariaqarnera aammalu kulturitta pinngortitarsuullu  paarilluarneqartariaqarnerat oqariartuutigalugit, Laila Bagge Hansen oqarpoq.
Minnerunngitsumillu eqqumiitsuliani Inuit pineqarput pineqarput, tassani nattoralik, arferit, nannut, aalisakkat, piniartoq angullu qilaatersortoq, sermersuarmik ilaqarlutik eqqarsarnissamik oqariartuuteqarmata.

– Nunatsinni pinngortitarsuaq, minnerunngitsumillu immami, qaqqani, ujaqqani, naasuni,qilammi seqinermilu ukiup qanoq ilineraniluunniit qalipaaterpassuit - uangalu nammineq misigissutsikka, isumassarsiorfigisarpakka. Taamaapputtaaq nipilersukkat tusarnaakkakka imaluunniit avatangiisit akuuffigisakka. Kalaallit Nunaannili sumiiffiit uanga nammineq avatangiisigisakka aamma assilissanik pilersitsisarninnut sunniuteqaqataanngitsoortanngillat, eqqumiisuliortoq oqarpoq.

Eqqumiitsuliortoq
Laila Bagge Hansen eqqumiitsuliortuuvoq imminut ilinniartissimasoq. 1960-imi Danmarkimi inunngorsimavoq finlandimiu Kaarina anaanagalugu qallunaarlu Erik ataatagalugu, sisamanillu ukioqarnerminiilli Nuummi peroriartorsimalluni. Laila suli Nuummi najugaqarpoq, Hans Lars Hansen uigalugu panigalugillu Michala 1979-mi inunngorsimasoq Melissalu 1991-mi inunngorsimasoq, ernutaralugulu Marcus, 2003-mi inunngorsimasoq.
Qalipaasarnini 2005-imili aallunnerulersimavaa. Qalipaatit akrylit atorlugit oqaluttuariniakkani pissanganartumik assilianngortittarlugit.

– Imminut noqikkunnaarluni eqqarsaatinut tunniulluni assaat sulisileraanni eqqumiitsuliariniagarlu ineriartortileraanni nuannaarneq tupinnartoq pilersarpoq nukissamillu nutaamik tunniussisarluni, Laila Bagge Hansen oqarpoq.

Laila siuisinnerusukkut aamma ilaatigut BankNordik-imi (siornatigut Sparbank), Salon Puk-imi, Nuuk Imeq-mi, Restaurant Esmeraldami Nipisamilu saqqummersitsisareersimavoq.