Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

Erseqqissaat: Avaleraasartuunut akitsuut ajunngilaq

07. martsi 2014

Sermitsiaq tallimanngormat 7. marts Grønlandsbanken pillugu allaaserisaqarpoq qulequtserlugu: ” Avaleraasartuunut akitsuut ajunngilaq”. Allaaserisaq aamma KNR-ip nittartagaatigut ilanngunneqarsimavoq.

Allaaserisami aningaaserivimmi pisortaq Martin Kviesgaard GrønlandsBANKENip ukiumoortumik 2013-imut nalunaarummut 19. februar 2014-imi saqqummersumut atatillugu, inuiaqatigiit aningaasatigut inissisimanerat pillugu oqaaseqarpoq.

Oqaaseqaatinik tigulaarinninnerit ajunngillat, taamaattorli aningaaseriviup isumaa nalornissutigineqarluni. Tamannalu nalornissutigeqqunagu, aningaaseriviup avaleraasartuunut akitsuutinut, taakkulu annertussusaanut isumaa erseqqissaatiginiarparput.

Siullermik aningaaseriviup avaleraasartuunut akitsuutip oqimaaqatigiissagaaguni inuiaqatigiit isaannit illersorneqarsinnaaneranut isummani attatiinnarpaa. Allaserisami taaneqarpoq akitsuutissatut siunnersuut siulleq kiilumut 1,5 kr.-iusimasoq. Grønlandsbanken-ip uani erseqqissassavaa, uagut allaaserisami allanneqarsimasutut sunaluunniit akitsuut annertunersoq annikinnersorluunniit nalilersinnaannginnatsigu, kisianni oqaatigeqqiinnassalllugu avaleraasartuunut akitsuutip oqimaaqatigiissagaanissaa pingaartikkipput. Taama aningaaserivik oqarnermini isumaqarpoq aalisakkat akii, unammillersinnaaneri il.il. apeqqutaasut. Tamanna ilutigalugu oqaatigeqqikkusupparput, pingaartuummat Namminersorlutik Oqartussat, inuussutissarsiummullu attuumassuteqartut ingerlaavartumik oqaloqatigiittarnissaat, aammalu inuussutissarsiutinik ingerlataqartunut, aalisartunullu killiliussat qularnaatsuunissaat.

Allaaserisami aamma aningaaserivimmi pisortaq Martin Kviesgaard issuarneqarpoq, oqarsimanerarlugu akitsuut pillugu aningaasarsiornermi ilisimasallit oqaloqatigineqarsimasut. Issuaaneq eqqorpoq, kisianni ima erseqqissagassaalluni, ”oqimaaqatigiissakkamik avaleraasartuunut akitsuut ” pillugu aningaasarsiornermik ilisimasallit oqaloqatigineqarsimapput, sammineqarluni suna imminut illersorsinnaanersoq, tassani pineqarani akitsuutip annertussusissaa.

Maanna siunnersuutigineqarpoq avaleraasartuunut akitsuut kalaallit aalisariutaannut kiilumut 0,3 kr.-eqassasoq, nunallu allat aalisariutaannut kiilumut 1,10 kr.-eqarluni (takuuk siunnersuut). Siunnersuut Inatsisartut upernaakkut ataatsimiinneranni eqqartorneqassaaq.

Sermitsiami allaaserisami aningaaseriviup apeqqusernianngilaa, inatsisissatut siunnersuut nutaaq isumaliutigilluagaanersoq, aammalu akitsuutip anginerusariaqarneranik nalornilersitserusugani. Tamatuminnga aningaaserivik naliliinissaminut tunngavissaqanngilaq. Aningaaseriviup iluarisimaarpaa, Namminersorlutik Oqartussat, Aalisarnermillu inuussutissarsiutillit ujartorneqartutut oqaloqatigiissimammata.

GrønlandsBANKEN