Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

Frank Senderovitz GrønlandsBANKEN-imi saqqummersitsisoq

03. septembari 2014

Franksenderovitzakvarelindhold

Tallimanngorneq 5. september GrønlandsBANKEN-imi saqqummersitat nutaat eqqumiitsuliortumit Frank Senderovitz-imit qalipanneqarsimasut pinngortitamik, inunnillu qalipakkanik assiliartallit ammarnersiorneqassapput. Ammaanersiorneq pissaaq Imaneq 33-mi nal 16.00, aningaaserivillu sassaallilaassaaq. Ammaanersiorneq tamanut ammavoq, eqqumiitsuliortorlu najuutissaaq sulianilu saqqummiullugit. 

Saqqummersitani takusinnaavatit titartakkat, oliamik, oliepastel-inillu qalipakkat, Frank Senderovitz-illu Kalaallit Nunaanni pinngortitaq kusanartoq qalipakkaminut isumasarsiornermini atortarpaa:

- Kalaallit Nunaanni qalipaaterpassuit, pitsaasunik akvarel-imik qalipaanissamut tulluarput. Qalipaatip tungujortup pingaartillugu atornissaa aallavigisarpara, Frank Senderovitz oqarpoq nangillunilu:

- Assersuutigalugit nittaalluni anorersuarnera, seqernup tarrikkiartornera imaluunniit unnukkut immap pujorannera. Pinngortitami isigisat, qalipaatillu marluk assigiinngisaannarput. Isigisat assigiinngisaannarput, qalipaatillu alanngialallutillu, nutaanngorartuarlutik. Tamannali oqaluttuariuminaappoq, oqaatsinillu eqqortumik oqaatigiuminaalluni, Frank Senderovitz isimminik qungujulalluni oqarpoq.

Soqutiginnittut tamarmik inuunermik nuannarittup pinnngortitami misigisaanik sunnertikkusuttut GrønlandsBANKENimut alakkaasinnaapput. Saqqummersitsineq 5. septemberimiit 31. oktoberip tungaanut ingerlassaaq.

Nalunngiliuk …

… Frank Senderovitz 1980-ikkunni eqqumiitsuliortut peqatigiiffiannik Simerneq-mik aallarniisut ilagimmassuk?

Frank aamma ilisimaneqarpoq Nuummi innuttaasut 10.000-issaattut 1980-imi oktoberimi Qasigiannguaniit Nuummut nuukkami nalunaarutigineqarsimasutut. Taamani nuussimavoq Kalaallit Nunaanni Kigutileriffeqarnermi pisortanngoriartorluni.