Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

GrønlandsBANKEN qaffakkiartuinnartoq

22. oktobari 2014


MartinindholdGrønlandsBANKENimit naatsorsuutit pitsassuit. Taarsigassarsisitsinerit qaffattut, ingerlatsinermi tunngavik pitsaasoq pappilissanillu nalilinnit iluanaarutit annertuut.

Ukiup qaammataanut siullernut qulingiluanut siorna piffissamut tassunga naleqqiullugu akileraannginnermi naatsorsuutit 23,1 mio. kr.-inik siuariarfiullutik 115,5 mio. kr.-inut inerneqarput. Inernerit namminerisamik aningaasaatit ukiumut 19 %-inik erniaaqartitsipput. Taarsigassarsisitsinerit qularnaveeqqusiinerillu 249,7 mio. kr.-inik amerlisimapput.

- Ukioq manna taarsigassarsisitsinigut qularnaveeqqusiinigullu qaffassimaneri iluarusunnartorujussuupput, naak qaammatit pingasukkaat pingajuanni immikkut appariarfiusimagaluartoq. Kalaallit Nunaanni inuiaqatigiinni siuariartorfiunngitsup nalaaniimmat iluarusunnarpoq, aningaaseriviup pisortaa Martin Kviesgaard oqarpoq.

Sullissineq pitsaasoq sinneqartoorfiuvoq

Aningaaseriviup pisortaa malillugu kvartaalimi naatsorsuutinut pitsaasunut aamma sullitat tungaannut annertuumik eqeersimaarluni suliniuteqarneq peqqutaaqataavoq.

- Aasianni immikkoortortaqarfittaarput ulapiffiuvoq, tamannalu illoqarfinni immikkoortortaqarfigisatsinni allani assinganik taama pisoqarpoq. Tamatuma takutippaa sullitat ataasiakkaat aningaasaliiffigisarneri sumiiffikkaallu pingaartinneqartarneri sunniuteqartut. Pitsaasumik sullissineq tassaavoq ilaqutariit ataasiakkaat periarfissaat aallaavigisarneri. Aallussilluni attaveqarneq inuillu toqqarnerullugit qitiutitsineq toqqissisimanermik pilersitsisarput. Tamanna sullitanik nuannaartitsisarpoq niuernerulersitsisarlunilu, Martin Kviesgaard naliliivoq.

Inernerit pitsaasut aningaasariviup pisortaata peqquteqartippai sullitat suliffeqarfiutillit amerlanerusut peqqutaallutik ingerlatsinermi tunngaviit nukittorsarneqarneri, sullitat pappilissanik nalilinnik niueruteqarneri taarsigassarsisisisarfinniillu suliat aatsaat taama amerlatigisut malunnaatilimmik qaffassimaneri. Tamakku saniatigut aningaaseriviup pappilissanik nalilinnik nammineq uninngasuutai annertuumik iluanaarutaasimapput.

GrønlandsBANKENip sullitaminit annaasaqaatai suli annikitsuaraapput, aningaaseriviup taarsigassarsisitaannit 0,4 %-inik nalikilliliisoqarsimalluni. Tamatumunnga ilutigitillugu aningaaseriviup akiliisinnaassusiata procentia suli iluarinartorujussuuvoq 20,3 %-iniilluni, akiliisinnaassusermi pisariaqartitanut 10,6 %-iusunut naleqqiullugu.

- GrønlandsBANKEN qaarsumi napalluartorujussuuvoq. Taama aallaaveqarneq siunissami ingerlatsinermut aningaasaliinissatsinnut atorluarusupparput. Siunissamut siunniunneqassapput sulisut amerlanerit, sumiikkaat qitiutinnerisa nangeqqinnissaat kiisalu nutaanik pilersitsiortornerit. Kvartalimi kingullermi suliniutitta ilagaat 0-17-inik ukiulinnut najoqqutassat nutaat, atuartunullu ilinniutissap Qassit-p ilisaritinneqarnera, inuusuttut akornanni aningaasarsiornermik paasinninnerulernissamut iluaqutaasussaq, Martin Kviesgaard oqarpoq.

Aningaasaleeriaaseq ilakkuminaalluinnartoq

Aningaaseriviup pisortaa malillugu GrønlandsBANKEN siunissamut piareersimalluinnarpoq, Kalaallilli Nunaata siunissaata tungaanut qularuteqarnerulluni.

- Kalaallit Nunaanni aningaasaleeriaaseq qereqqalluinnangajappoq. Kalaallit Nunaat pillugu tutsuiginassuseq pisariaqartinneqarpoq. Suliffeqarfiit aningaasaliissuteqarnissaminnut tunuarsimaarnerat isumakulunnarpoq. Tamatuma uppernarsaatigaa Kalaallit Nunaata maannakkorpiaq sammiviata qularutigineqarnera, tamannalu ineriartortitsinermut tutsuiginartunik patajaatsunillu sinaakkusersuinissat qulakkeerniarlugit nutaanik naalakkersuisoqalernissaanut tikkuussineruvoq ersarilluinnartoq, Martin Kviesgaard nassuiaavoq.

GrønlandsBANKENip ukiumut 2014-imut naatsorsuutinut naatsorsuutigisani aalajangiusimavai, naliliillunilu naatsorsuutigisatut nalunaarutigineqarsimasut pappilissat nalingisa naleqqussannginnerini nalikilliliinnginnernilu 125-145 mio. koruunit akornanni qaffasinnerit anguneqarumaartut.