Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

GrønlandsBANKEN sutigut tamatigut siuariarpoq

13. aggusti 2014

Aningaasat nalingisa iluanaarutigineri, taarsigassarsiallu amerleriarneri pisuullutik GrønlandsBANKEN-ip ukiup affaanut naatsorsuutai malunnaatilimmik pitsanngoriarput.

Erseqqinnerusumik oqaatigalugu, akileraarutit suli peernagit ukioq manna iluanaarutit 78,4 mio. kr.-iupput, siorna 2013-imi taamaalinerani 58,6 mio. kr.-iusimallutik.Taama angusaqarnikkut sinneqartooreernermi, nammineq aningaasaatit erniai ukiumut 19 % -iussapput . Taarsigassarsisitsinerit qularnaveeqqusiinerillu 249 mio. kr.-inik amerleriarput, 3.997 mio. kr.-inngorlutik.

- Aningaasat nalinginik naleqqusaanerit immikkut ittumik iluanaaruteqarfiupput, soorunalumi qujanarlutik, kisianni taarsigassarsisitsinerit amerleriarneri, atuisutsinnillu pitsaasumik qisuariarfigineqarput immikkut nuannaarutissaavoq.
GrønlandsBANKEN-imi iluanaarutitta qaffassinnaasimanerannut, atuisugut, sulisugullu eqeersimaartut pisooqataapput, tamatumallu aamma takutippaa akit atortitagut unammillersinnaalluartut, aningaaserivimmi pisortaq Martin Kviesgaard iluarisimaarinnilluni oqarpoq.

Sinerissami immikkut iliuuseqarneq iluanaarfiuvoq

GrønlandsBANKEN-ip naatsorsuutimigut angusaqarluarneranut ilaatigut pissutaapput taarsigassarsisitsinerit amerleriarneri, tunngaviusumik ingerlatsinerup qaffariarnera, aamma atuisut pappiaqqanik nalilinnik pisiortorneri. Aningaasartuutit ilanngareerlugit erniatigut isertitat kvartalip aappaani 4 mio. kr.-inik amerleriarsimapput, 54 mio. kr.-inngorlutik. Tassunga aamma ilaavoq aningaaseriviup obligation-inik pigisaminik amerlisitsisimanera. Tungaviusumik ingerlatsinerup inernera, aningaasat nalingi, nalikilliliinerillu suli iluarsiissutiginagit 39,5 mio. kr.-iuvoq, taakkulu kvartalimi siullermi 30,6 mio. kr.-iusimapput.

Aningaaserivimmi pisortap Martin Kviesgaard-ip oqarnera malillugu, ukiup affaanut natsorsuutit pitsanngoriarsimanerannut pissutaasoq, sinerissami immikkut suliniuteqarneq. Soorlu Aasianni 2013-imi immikkoortortaq nutaaq atulersinneqarsimavoq, aamma nutarsaanissamut taarsigassarsisitsisarneq, initaarniarluni taarsigassarsisitsinerit, taarsigassarsisitsinerit allat, qularnaveeqqusiinerillu, inuussutissarsiutinik ingerlatalinnut aamma pitsaasumik siuariarfiusimapput.

- Sinerissami immikkoortortani, eqeersimaartumik, ajornanngitsumillu siunnersuisarnerit immikkut iliuuseqarfigineri, uatsinnut iluaqutaasimapput. Taama iliornitsigut, atuisut pitsaanerusumik sullinneqalersimapput – tamannalu aamma niuernikkut uatsinnut iluaqutaasimaqaaq. Sinerissami atuisugut amerliartuinnartut takutissinnaasimavagut, qanoq atorsinnaaneraatigut aammalu ilaqutariit ataatsiakkaat qanoq ikiorsinnaanerigut. Aamma sulisoqarpugut, atuisutsinnik pitsaasumik attaveqarnitsinnik pimoorussillutik sulisunik. Ukiup aaffaata siulliup ingerlanerani ataatsimiigiaqqusinerit 1.000-it sinnillit nassiussimavagut.Taama iliuuseqartarnerput atuisut nuannaarutigisarpaat, naatsorsuutitigullu tamanna aamma iluaqutaalluni, Martin Kviesgaard naliliivoq.

2014-imi aningaasarsiorneq suli appasippoq

Aningaaseriviup pisortaata ukiup affaani naatsorsuutit inernerisa pitsaasuunerat pissutigalugu, aningaaseriviup nutaanik iliuusissani atuisunut iluaqutissaanngortikkusuppai.

- Naatsorsuutigaarparput neqeroorutinik, sullissinernilu nutaanik atuisutsinnut atuutilersitsinissarput. Siunissamut isumalluaraluarpugut. Ajunngitsumik inissisimavugut, uagullu atuisutsinnut tarrarsuutitut oqaatigineqarsinnaavugut, taakkulu ataatsimut isigalugu aningaasaqarniarnerat ajunngilaq. Tamanna taarsigassarsisitsisarnitsinni annaasatta annikitsuunerisigut takuneqarsinnaavoq.
Kisianni taamaakkaluartoq mianersoqquserusuppugut, tassami inuiaqatigiinni aningaasarsiornerup ineriartornera pitsaasutut oqaatigineqarsinnaanngilaq. Aningaasarsiornerup ukiuni kingullerni inissisimanera pitsaanngilaq, ingammik Nuummi inuussutissarsiutinik ingerlatallit tamanna malugisimavaat, aammalu Kalaallit Nunaanni tamarmi suliffissaaleqisut piffissami sivisungaatsiartumi amerliartuinnarsimallutik. Pisariaqarpoq politikerit partiit apeqqutaatinnagit, inuussutissarsiutinillu ingerlataqartut suleqatigalugit iluaqutaasunik suliuniuteqarnissaat, Martin Kviesgaard naggasiivoq.

GrønlandsBANKEN-ip 2014-imut ukiumut naatsorsuutinut ilisimagisani attatiinnarpai, ilimagaluguli siusinnersukkut nalunaarutigisimasamittut qaffasissunik inissisimanissartik, tassalu aningaasat nalingisa iluarsiiviginnginnerini, nalikilliliinnginnermilu angusat 125-145 mio. kr.-iujumaartut.

» Takuuk halvårsrapport for 1. halvår 2014