Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

GrønlandsBANKENi True North Gems-ilu suliffeqarfimmut aningaasanik atukkiinissamik isumaqatigiissusiorput

28. maaji 2014

GrønlandsBANKENi 1 million kr-inik suliffeqarfinnut atukkiutaasartunik, True North Gems Greenland-ip akuersissutit kingulliit iluatsippagit atukkiissamaarpoq. Aningaasaliineq, Qeqertarsuatsiaat eqqaani piiaaviliorniarnermi alloriarneruvoq pingaarutilik. 

Marsimi True North Gems-ip piiaanissamik akuersissut pissarsiarigamiulli, piginneqatigiiffik piiaavimmik suliareqqiisarfimmillu ammaajumalluni aningaasaliisussarsiorsimavoq.

Naalakkersuisut aammalu kommuneqarfik Sermersooq suleqatigalugit True North Gems-ip IBA-mik isumaqatigiissut inaarniarsimavaat, isumaqatigiissummi suliassat allallu inuiaqatigiinnut iluaqutaanerpaanissaat anguniarneqarsimavoq. Taassumalu saniatigut piiaavimmi sanaartornissamut, angallassinissanullu tunngasut mikisualuttaat isumaqatigiinniutigineqarsimapput.

Suliniut pimoorussaq
Bent Olsvig Jensen, True North Gems Greenland-imi pisortaanerup isumaqatigiissutit naammassineri aningaasaliisussarsiornissamut iluaqutaanissaat ilimagaa, taamaasilluni sukkanerpaamik aallartittoqarsinnaaniassammat. ”Aningaasat naammatsinnissaat ilimagaarput, toqqaannartumik aningaasaliinertigut aammalu assigiinngitsutigut atukkiinertigut. Tassunga atatillugut nuannaarutigaarput GrønlandsBANKENip suliffeqarfinnut aningaasanik atukkiutaasartunik atukkiiumanera. Suliniummut upperinninertik iliuuseqarnermikkut takutippaat.”

Martin Kviesgaard, GrønlandsBANKENip pisortaanera, oqarpoq: ”Grønlandsbankenimi piiaanernut tunngatillugu ilisimasagut killeqarput taamaattumillu toqqaannartumik suliniutinut aningaasaliissanata, kisiannili True North Gems-ip piiaaviliorniarnera pimoorussamik suliaavoq inuiaqatigiinnullu aamma pingaaruteqarluni tapersersortarialik. Suliffeqarfinnut atukkiutaasartunik aningaasanik atukkiinerput piiaaviliorniarnermi akissat ilaminiinnaraat, neriuppugullu una suliniut piiaaviliassat siullersariinnaraat.”

Ullumi pingasunngornermi Martin Kviesgaard aamma Bent Olsvig Jensen Kalaallit Nunaanni suliniutinut aningaasaliilluarsinnaasut naapissavaat. Københavnimi aningaasaliisartut ataatsimeersuarneranni, Inuussutissarsiornermut, Aatsitassaqarnermut Suliffeqarnermullu Naalakkersuisoqarfimmit aammalu danskit Erhvervs- og Vækstministerium-imit aaqqissuunneqartumi peqataassapput.

Paasisaqarnerorusukkuit
Bent Olsvig Jensen, True North Gems Greenland, bent@truenorthgems.gl, mob +299 499599
Martin Kviesgaard, Grønlandsbanken, mbk@banken.gl, mob +45 20618040

Nassuiaat
Suliffeqarfinnut aningaasanik atukkiineq aningaasaleeriaasiuvoq ’naliginnaasumik’ aningaasaliinermut aammalu toqqaannartumik aningaasaliinermut eqqaanarsinnaasoq. Suliffeqarfinnut aningaasanik atukkiineq aningaasaleeriaatsinut allanut sanilliullugu aningaasaliisumut pisuussaaffiliinerusarpoq. Taamaattorli atukkiineruvoq, toqqaannartumik aktienik suliffeqarfimmut pisinertigut aningaasaliinerunani.