Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

GrønlandsBANKENip sinneqartoorluartarnini ingerlatiinnarpaa

19. februari 2014

GrønlandsBANKENip sinneqartoorluartarnini ingerlatiinnarpaa. 2013-imi suli akileraarutit peernagit sinneqartoorut 123 mio. kr.-iuvoq, taamallillunilu GrønlandsBANKENip oqaluttuarisaanerani, ukioq iluanaarnerpaaffiusup tullinngorluni. Akileraarutit suli peernagit uninngasutit 15,8 %-imi erniorput.

- Naak inuiaqatigiit aningaasaqarnerat ingerlalluarpallaanngikkaluartoq 2013-imi sinneqartoorluarnerput kiisalu erniat pitsaasumik inissisimanerat nuannaarutigaarput. Taarsigassarsititsisarnerit ukiuni 15-ini aatsaat taama annikitsigipput. Sanaartornerit annertuut 2012-imi 2013-imilu naammassineqarput, taamaattumik taarsigassarsititsinerit annikillinissaat naatsorsuutigereerparput. Kisianni soorunami kissaatigaara isertitat qaffaqqinnissaat, tassami takusinneqarsinnaavoq inuussutissarsiutinik ingerlataqartut suliassaat killeqarsimasut. 2014 pitsaanerusinnaavoq, aamma naatsorsuutigineqarpoq ukiup naalernerani sanaartugassat annertuut aallartinnissaat, tamannalu iluaqutaasinnaassaaq. Kisianni aamma Kalaallit Nunaanni aningaasarsiorneq ingerlalluarnerusariaqarpoq, suliffeqarfiit naleqqussaqqissanngippata, tamatumanilu pisortat sanaartortsitsinerat kisimi naammanngilaq, aningaaserivimmi pisortaq Martin Kviesgaard oqarpoq.

Ukiumut aningaasartuutini takuneqarsinnaavoq, atuisut annikitsuinnarmik ikileriarsimasut. Nalikilliliinerit 15 mio.-iusut ukiup siulianut naleqqiullugit annikitsumik appariarput tassalu 0,4 %-imik.

- Immikkut iluarisimaarnarpoq atuisut ataasiakkaat eqqarsaatigalugit niuernerup annertuumik ineriartornera, atuisuttalu ataatsimut isigalugit ajunngitsumik ingerlanerat. Assersuutigalugu illunik pisiortorneq ingerlalluarpoq, atuisullu arlallit aningaasaliisarput. Aamma sinerissami immikkoortortagut pitsaasumik ineriartorput. Isumaqarpunga tamanna unammillersinnaanitta pitsaasuuneranik ersarissumik takussutissaasoq, aningaaserivimmi pisortaq oqarpoq.
Aningaaseriviup 2013-imi siunissami iluanaarutaasinnaasunik aningaasaliinissani qitiutissimavaa.

-Inuiaqatigiinni ineriartornerup ilalersunngippatigut, uagut nammineq pilersitsisariaqarpugut. Taamaammat pingaarnersiuilluta iliuuseqartarsimavugut, soorlu Aasianni tamakkiisumik siunnersuisoqarfimmik immikkoortoqalerpugut, Ilulissani illuuterput tamaat nutarterparput, aammalu immikkut atuisutsigut niuernerput ineriartortissimallutigu. Atuisut ataasiakkaat, inuussutissarsiutinillu ingerlataqartut iluarisimaarinninnerannik misissuinerput takutitsilluarpoq, naak attartortitsisarnigut apparaluartut, 2014-imut tunngavissaqarluarpugut, Martin Kviesgaard oqarpoq.

Aningaaseriviup naatsorsuutiginngilaa 2014-imi attartortitsisarnerput annertusissasoq, taamaammallu siulersuisut innersuussutigaat, aktie-mut ataatsimut iluanaarut allanngorani 55 kr.-iussasoq imaluunniit katillugit 99 mio. kr.-iussasut. Naak piginnittut iluanaarutissaat annertugaluartut, aningaaseriviup akiliisinnaassusaa 21,0 %-imik qaffarpoq. GrønlandsBANKENimi akiliisinnaassutsinut ataasiakkaanut piumasaqaatit kisinneri 10,4 % -iupput, akiliisinnaasutsimullu matussutissat taamaalillutik 10,6 %-iullutik.

2014-imi GrønlandsBANKEN-ip naatsorsuutigaa aningaasat nalingisa allanngorarnerat, nalikilliliinerillu allanngunngippata 125 – 145 mio.kr.-inik sinneqartoornissani.