Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

GrønlandsBANKip Unnuarissallu suleqatigiinnissamik isumaqatigiissutaat nutaaq

11. februari 2014

Kalaallit Nunaanni suliffeqarfinnit siullersaalluni GrønlandsBANKi Nuummi Sisimiunilu Unnuarissanut Corporate Social Reponsibility- samarbejde-mik taaneqartartumik isumaqatigiissuteqarpoq. Suleqatigiinnissamik isumaqatigiissuteqarnikkut GrønlandsBANKi imminut suliffeqarfiup isumaginninnikkut akisussaaffianik pingaartitsinissamik sulisuminillu Unnuarissanik suleqataatitsisarnissamik, illoqarfimmilu angalaanerit piffissatut suliffittut naatsorsortarnissaannut pisussaaffilerpoq. GrønlandsBANKillu aamma Unnuarissat inimik quersuarmillu atugassaqartissavai.

- GrønlandsBANKimi sulisut tamarmik piffissap suliffiup iluani piumassutsimik isumaginnikkut suleqataanissamut periarfissaqarput. Ukiormanna nalunaaquttat akunneri suliffissat 2.000-init amerlanerusut suliniutinut peqatigiiffinnillu, kalaallini inuiaqatigiinni malunnaatilimmik suliniuteqartunut peqataanissamut atugassatut immikkoortippagut. Unnuarissat peqatigiiffiuvoq, sulisutta ilarpassuinit soqutigineqartumik anguniagaqartoq. Taamaattumik Unnuarissanut isumaqatigiissummut nutaamut atsiorsinnaanerput nuannaarutigaarput, GrønlandsBANKip allaffissornerani pisortaq Carsten Th. Pedersen oqarpoq.

Unnuarissat aamma nutaamik annertusisamillu suleqatigiinnissaq nuannaarutigaat.

- GrønlandsBANKip tapersersuinera nuannaarutigeqaarput, tassuunakkut Unnuarissat Nuummi Sisimiunilu meeqqat inuusuttullu toqqissisimanissaannik pilersitsisinnaalermata. Neriuutigaarput aningaaseriviup maligassiuineratigut suliffeqarfiit allattaaq Unnuarissanik tapersersuiumaartut, Niels Nielsen, Nuummi Unnuarissanut siulittaasuusoq oqarpoq.


  • Unnnuarissat inersimasut aqqusinertigut angalaartartut peqatigiiffigaat. Taamaaliortarput meeqqat inuusuttullu qanilliumallugit toqqissisimatinniarlugillu. Unnuarissat Nuummi immikkoortoqarfeqarput qanittukkullu aamma Sisimiuni immikkoortoqarfeqalersimallutik.

  • Grønlandsbanki nalunaaquttat akunnerinik 2.000-it sinnilinnik 2014-mi piumassuseq tunngavigalugu isumaginninnikkut suleqataanissamut atugassanik immikkoortitsivoq. Sulisut piffissap suliffissap nalaani piumassutsimik sulinissamut periarfissinnerisigut, aningaaserivik inuiaqatigiinnut akisussaaffimmik ersersitsisinnaalerpoq. Tamakkua saniatigut aamma aningaaseriviup ilaatigut aningaasaqarnikkut aalajaatsumik ineriartornissaq qularnaarniarpaa, aningaaserinermik paasinninneq ilinniartitsissutiginiarlugu aningaaserinikkullu siunnersuisarneq angujuminarnerulersinniarlugu.