Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

Ilinniartut atuartullu akikinnerusumik misigisassarsiorlutik angalasinnaalernerat

26. aggusti 2014

StuderendeindholdIlinniartunut atuartunullu paasisassarsiorlutik angalanissamut siuningaaniit pilersaarusiortunut aningaasanillu ileqqaartunut iluanaarutissaqarpoq.

Ilinniartut paasisassarsiorlutik angalanissaannut ajornannginnerulersitsisussamik akikinnerulersitsisussamillu Air Greenland aningaaserivillu GrønlandsBANKEN suleqatigiinnissamik isumaqatigiissuteqarput. Ilinniarnermut atatillugu paasisassarsiorluni angalanissamut GrønlandsBANK-imi aningaasanik ileqqaagaqartunut, Air Greenland Kalaallit Nunaanni atuarfinni ilinniarfinnilu atuartunut ilinniartunullu annertuumik akikillisaavoq.

- Meeqqat inuusuttullu klassimi atuaqatitik peqatigalugit paasisassarsiorsinnaasut amerlanerulernissaannut peqataarusuppugut. Taamaammat GrønlandsBANK-i suleqatigalugu atuaqatigiiaat ilinniartoqatigiillu siusinaarlutik pilersaarusiortut aningaasanillu ileqqaartut akilerniarlugit suleqatigiilerpugut, meeqqanut inuusuttunullu atuartunut/ilinniartunut tunngatillugu neqeroorut ataatsimoorussaq pillugu Air Greenland-imi iluanaarniutigalugu niuernermi ataqatigiissaarisoq, Christian Keldsen, neqeroorut ataatsimoorussaq meeqqanut atuartunut inuusuttunullu ilinniartunut tunngasoq pillugu oqarpoq.

Ass. Sisimiuniit Københavnimut siumut utimullu akikinnermi 5200 koruuninik akiliilluni angalasoqarsinnaassaaq. Air Greenland-imi akikillisaaneq nunatta iluani, Københavnimut, Keflavik-imut Iqalunnullu angalanernut atuuppoq. Akitigut iluanaaruteqassagaanni GrønlandsBANK-imi aningaasanik ileqqaarnermut kontomik pilersitsisimanissaq piumasaqaataavoq.

GrønlandsBANK-imi erniatigut iluanaaruteqarneq

Paasisassarsiorluni angalanissaq pilersaarusiornermik piffisamik aningaasanillu piumasaqaatitaqarpoq, GrønlandsBANK-imili kontomik pilersitsinermi erniatigut iluanaarutissaqarpoq Air Greenland-imilu aningaasanik sipaarutissaqarluni. Atuartut/ilinniartut kaasarfimmiutik GrønlandsBANK-imut nakkartippatigik, massakkorpiaq aalajangersimasumik erniaritinneqartunit 1 %-imik qaffasinnerusumik erniaqartinneqassapput.

”Ileqqaarneq imminut akilersinnaavoq. Atuartunut/ilinniartunut, angajoqqaanut atuarfinnullu oqariartuuterput taama ersaritsigaaq. Uagullu pilersaarusiorneq piffissaagallartillugulu eqqortumik iliorneq iluanaarutaasumik ernialiinikkut akissarsisitsinissaq nuannaarutigeqaarput,” Carsten Th. Pedersen, GrønlandsBANK-imi allaffissornikkut ingerlatsinermi pisortaq inuiaqatigiinnilu akisussaaqataanermut atatillugu akisussaasoq oqarpoq.

Aningaaseriviup Air Greenland peqatigalugu ilinniartunut atuartunullu ataatsimoorussamik iliuuseqarsinnaaneq nuannaarutigaa.

- Inuusuttut nunarsuarmut angalallutik isumassarsisinneqartarnerisa pingaaruteqassusaa ilisimavarput. Taamaammat nunatsinni aningaaserivittut ilinniartoqatigiit atuaqatigiillu iluanaarutaasinnaasumik neqeroorfigisinnaanerat tamatumalu peqatigisaanik nalinginnaasumik aningaasanik aqutsinermik ilinniartitseqataanerput nuannaarutigaarput, allaffissornikkut ingerlatsinermi pisortaq Carsten Th. Pedersen neqeroorut 2016-ip naanissaata tungaanut misiliutitut ingerlanneqartoq pillugu oqarpoq.

Kingorna akiligassamik inniminniineq

Ukioq ataaseq ukiulluunniit marluk qaangiuppata aatsaat paasisassarsiorluni angalasussanut ikiorsiisoqarsinnaavoq. Air Greenlandip timmisartuutaanut ilaanissamut bilitsinik aalajangersimasunik akilinnik- kingusinnerpaamik aallarnissaq qaammammik ataatsimik sioqqullugu akiligassanik -pissarsisoqarsinnalereerpoq. Taamaaliornikkut klassimi atuaqatigiit paasisassarsiorluni angalanissamut aningaasat qassit ileqqaarneqarnissaat ilisimareqqissaassavaat.

Ikummatissanut mittarfimmullu akitsuutit allannguuteqarsinnaanerat tunngavigalugu akinik allannguisiinnaanermut immitsinnut pisinnaatippugut.

Piumasaqaatit pillugit paasissutissat allat nittartakkami: www.airgreenland.gl/ussassarutit/paasisassarsiorneq

Tusagassiorfinnut nalunaarut pillugu paasissutissat sukumiinerusut:

  • Air Greenland-imi qarasaasiakkut niuernermi nalinginnaasumillu niuernermi pisortaq Shiva Xenia Brunsvig, oqarasuaatikkut: 56 24 40.
  • GrønlandsBANKEN-imi, attaveqatigiinnermi niuernermilu siunnersorti Ditte Vibe Petersen oqarasuaatikkut: 34 78 79 attavigalugit pissarsiarineqarsinnaapput.
  • Foto: Mads Pihl.