Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

Naleqavissut nassaariniarutsigit Isuanukaqqaartariaqanngilagut

26. februari 2014

Naleqartitat Miki Jacobsen-ip saqqummersitsinerani nutaami tallimanngorneq 14. februar GrønlandsBANKEN-imi ilasseqatigiinnermi ammarneqartumi sammineqarput. Saqqummersitsineq ateqarpoq ”Isuaniit nuuanut”, qallunaatoorlugu ”Fra Isua til Nuuk” aamma ”Fra det yderste til næsset”.

Miki Jacobsen oqaluttuarpoq, saqqummersitani 28-iusut aallaveqartut Kalaallit Nunaanni aatsitassanik ujarlernermi mianersuusseqqusinermik. Eqqaamaqquaa, Kalaallit Nunaata pigeriigaasa inuit, avatangiisillu pingaartinnissaat, taakkumi pisuussutaareermata annertuut.

”Naleqavissut ujarniarutsigit, Isuanukaqqaartariaqanngilagut, tassanilu nunamiit saviminissamik aallerluta. Nuummi qaqqat, uumasut, silaannarlu minguitsoq illoqarfiup illuatuginnguani pigaagut. Taamaalilluta pisuussuterpassuaqareerpugut, kisitsisinit, koruuninit, oorinillu nallerneqarsinnaanngitsunik.”, Miki Jacobsen oqarpoq.

Saqqummersitat ”Isuaniit nuuanut” tamarmik pinngortitamik, uumasunik, savimineeqqanillu aallaaveqarput. Kingulliup isiginnittoq eqqaasippaa aningaasanut pappiaqqanut, Miki Jacobsen-ilumi 2008-2009-mi Nationalbanken-imut kalaallit aningaasaanut assiliartassatut titartakkani tassani isumassarsiorfigisimagai takuneqarsinnaavoq.

Kalaallit namminneq aningaasaqalernissaannik isumassarsiaq piviusunngunngitsoorpoq. Kisianni Mikip suliamut atatillugu misilittagai, piginnaasaalu ersarissut, GrønlandsBANKEN-ip saqqummersitseqqusineranut pingaarnertut pissutaapput.

”Nuummi qullersaqarfittaarattali, eqqarsaataasimavoq, illit Miki – maani saqqummersitsinissarnut qaaqqusaassasutit. Kalaallit Nunaanni eqqumiitsuliortut annerit ilagaatsit, eqqumiitsuliavillu GrønlandsBANKEN-imi saqqummersinnissai pissusissamisoorput” Taama GrønlandsBANKEN-imi pisortaaneq Martin Kviesgaard tallimanngormat ammaanersiornermi oqarpoq.

Miki Jacobsen-ip saqqummersitsinera tamanut ammasuuvoq, aningaaserivimmilu takuneqarsinnaapput 31. marts ilanngullugu.

Miki Jacobsen 1

Savimernit amitsut Miki Jacobsen-ip eqqumiitsuliaani takussaapput.

Miki Jacobsen 2

Eqqumiitsuliortoq Miki Jacobsen aamma aningaaserivimmi pisortaaneq Martin Kviesgaard tallimanngormat ammaanersiornermi oqaloqatigiittut.

Miki Jacobsen 3

Miki Jacobsen-ip saqqummersitai GrønlandsBANKEN-imi takuneqarsinnaapput 31. marts ilanngullugu.