Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

AktietTipsimi ilisimasat guultitut naleqarput

04. martsi 2015

Aktietips2015indhold

Aktietipsimi angusaqarluarsinnaavutit iluatsitsiinnarlutit. Kisiannili ilumut pimoorullugu eqqugassamik angisuumik pinnanniaruit, taava aqqutissaq pitsaanerpaaq tassaavoq paasissutissanik malinnaalluarneq. Taamatut akissuteqarpoq, John Mougaard,  AktieTipsimi 2012imi 2013imilu ajugaanikoq, aperineqarami.

- AktieTips arsaattunik eqquiniaalluni tipsertarnermut eqqaanartorujussuuvoq. Kina arsaattartunik ilisimasaqarluartoq qanorluunniit ikkaluarpat  ilisimasaqanngitsunut sanilliullugu eqquinissamut qaninnerusarpoq. Tamannalu aamma AktieTipsimi atuupportaaq. Eqquiniaaffissiami suliffeqarfiit 13iusut eqquiniaaffigisassat qanoq ittuuneri paasiniarluarukkit, tusagassiutinik malinnaallutit aammalu aktianik tuniniaavinni pissutsinik malinnaallutit, taava periarfissagissaarnerulissaatit, aktiat suut nalimikkut qummut ammulluunniit ingerlanersut eqqoriarnissaannut, John oqarpoq.

AktieTipsernermi John Boleromik ilisarnaateqarluni peqataavoq. Peqataasut kikkulluunnit eqqugassanik 25.000 koruuniusunik eqquerusullutik peqataasut kaammattorumavai aviisinik atuartaqqullugit aammalu aktiat pillugit nutaarsiassat Euroinvestor.dk aamma Bloomberg.com aqqutigalugit malinnaaniartaqqullugit.

- Taamatut ilioruit pitsaanerujussuarmik takorluuisinnaassuseqalissaatit aktianik niuerfinni suut qanoq ingerlanerinik. Pisummi suut tamangajammik aktiat nalinginut – minnerunngitsumillu børsimit ilisimatitsissutit naatsorsuutit pitsaanerinut imal. pitsaannginnerinut, qummut ammut nalimmassaanernut aammalu tunisanut angisuunik tikkuussisut, sunniuteqarsinnaasarput. Aammali nutaarsiassat, børsenip matoreernerata kingorna tsaqqummersinnaasartut annertuumik pingaaruteqartarput, saqqummertaramik aktiamik niuerfiusut piareersimanngiffianni, John oqaluttuarpoq nangillunilu:

- Taamaattumik pingaartuuvoq eqqummaarissuunissaq nunarsuup sinnerani aktianik niuernerit qanoq ingerlanerinut, Københavns Fondsbørsip (Københavnimi pappialanik nalilinnik qitiusumik niuerfiup) ullormut matoreernerata kingorna, malinnassalluni. Nunarsuup ilaani eqqissiviilliortoqalerpa? Orsussap akia annertuumik nikerarpa? USAmi ineriartorneq qanoq ingerlava kingornalu aamma Asiami? Nunarsuummi immikkoortortaani taaneqartuni taakkunani aktiat nalingisa iluini allanngortoqarpat, taava tamanna tikkuussisinnaasarpoq Københavnimi aqaguani taamatut aamma pisoqalersinnaaneranik, John naggasiilluni oqarpoq.

Ilisimaviuk…?

  • John AktieSpilimi Boleromik imminut ateqartimmat Maurice Ravelip erinniarsualiaa tunngavigalugu?

  • John Nanortalimmi najugaqarpoq, ukiut kingulliit 35it taqqavani najugaqarsimalluni. Johnip pappialat nalillit atuarfimmi suussut paasisimavai kingornalu nammineq tamakkusisalerni-kuulluni.