Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

GrønlandsBANKEN sinneqartoorluartoq

17. februari 2015

Martinindhold (1)

GrønlandsBANKENip 2014-imut naatsorsuutimini akileraannginnermi sinneqartoorutai kr. 131,4 mio-t 2013-imi angusanit amerlanerulaarput. Aningaaserivik ukiut pingajussaanik aktiamut ataatsimut kr. 55-inik sinneqartooruteqarpoq imaluunniit katillugit 99 mio. kr.

- Pitsaasunik sinneqartoorsinnaanerput iluarusuutigaarput, pingaartumik Kalaallit Nunaata aningaasarsiornerata ukiut tulleriit pingajussaanik sanngiitsutut inissisimanera eqqarsaatigigaanni, aningaaseriviup pisortaa Martin Kviesgaard oqarpoq.
Aningaaseriviup pisortaa malillugu sullitat suliffiuteqartut inissisimalluartut, sullitanut inuinnarnut niuerfiit annertusineri, kiisalu sinerissami immikkoortortaqarfiit ineriartortinnissaasa aallunneqarneri tunngavigalugit angusanik pilersitsisuupput.

- Aasianni immikkoortortaqarfiup ammarneqarnerata kingorna aningaaserivimmi sulisut amerlanerpaaffeqalerput, ukiorlu tamaat aningaaserivik tamakkerlugu ulapputtunnguaqarsimavoq. Illuutillit taarsigassarsiaminnik aatsaat taama allanngortitsisimapput, amerlanerujartuinnartullu pappilissanik nalilinnik pisiortorsimallutik, aningaaseriviup pisortaa oqarpoq oqarpoq.

2014 ukiuusimavoq immikkut ittumik allanngorarnermik sunnerneqarsimasoq. Taarsigassarsisitsinerit qularnaveeqqusiinerillu ataatsimut isigalugit amerliartorput, sullitalli suliffeqarfiutillit aningaasaliissuteqarnissaminnut tunuarsimalaarsimapput, tamannalu ukiup naalernerani taarsigassarsisitsinerit ikilinerinik kinguneqartarluni. Paarlattuanik inuinnaat sullinneqarneri annertusisimapput.

GrønlandsBANKENip taarsigassarsisitsinernut nalikilliliisarnera qaffakkiartorpoq, annaasalli procentia 0,7 %-iusoq suli ingasagisassaanngilaq.

Siunissaq upperaa

Kalaallit Nunaata aningaasarsiornera ukiuni tulliuttuni 1-2-ni pitsanngulaarnissaa GrønlandsBANKENip naatsorsuutigaa, ilaatigut sanaartornerup iluani suliaqarnerulerneq iluaqutigalugu. Siuariartorneqassappat siunissaq ungasinnerusoq eqqarsaatigalugu aningaasarsiornermi allanngortitsineqartariaqarpoq isertitaqarfissanillu nutaanik pissarsisoqarluni.

Aningaaserviup nammineerluni aningaasaliissutaasa pitsaasumik ineriartortuarnissaannut naatsorsuutigisat piviusunngorput. Sisimiuni, Aasianni Ilulissanilu immikkoortortaqarfiit nutartereerpai, sullitanullu ornikkuminassusii pitsanngorsarneqarlutik, 2015-imilu Qaqortumi Nuummilu tullinnguutsitsinissaq naatsorsuutigineqarluni.

- Sullitatta pitsaanerusumik takkutsittarnissaat qulakkeerniarlugu Nuummi qullersaqarfimmi quleriit sisamaat tiguniarparput. Ullut tamaasa ullumi ulloq ippassamut naleqqiullugu sullitatsinnut pitsaanerusumik iliorniartarnissarput uagutsinnut pingaarneruteqarpoq, Martin Kviesgaard oqarpoq.

GrønlandsBANKENip ukiumut naatsorsuusiorfiusumut 2015-imut aningaasat nalinnginik naleqqussaannginnermi nalikkilliliinnginnermilu 125 – 145 mio. koruuninik sinneqartoornissaq naatsorsuutigaa.