Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

Naak inuiaqatigiinni aningaasaqarniarneq appasissumiikkaluartoq GrønlandsBANKEN-imit angusaq naammaginartoq attatiinnarneqarpoq

28. oktobari 2015

Martinindhold (1)Nalinik nalimmassaanerit pitinnagit angusaq 104 mio. kr.-iuvoq siorna piffissap taamak ilinerani taanna 111,6 mio. kr.-iusimalluni. Akileraarneq pitinnagu angusat appariarput 82,8 mio. kr.inut siorna taakku 115,6 mio. kr.-iusimallutik. Appariaatit annertornerusumik peqquteqarput pappialat nalillit iluini nalit appariarsimanerinik aammalu erniat appasissumiinnerannik.

Taamaakkaluartoq kvartal-it pingajuat GrønlandsBANKEN-imut tunngaviusumik ingerlatsinerup iluani naammaginartumik isertitsiviusimavoq. Tassanimi appariaat annikitsunnguuvoq naak inuiaqatigiinni aningaasaqarniarneq appasissumiikkaluartoq aammalu Nationalbanken-imi erniat appasissimagaluaqisut, GrønlandsBANKENip erniatigut iluanaarutissaanik ammut naqitsinermik malitseqartumik.

- Aningaasaqarniarnerup inissisimanera eqqarsaatigigaanni, kvartal-it pingajuanni angusat naammaginarput naatsorsuutigisimasatut inissisimangajallutik. Kvartal-it pingajuanni siornamut sanilliullugit angusat appasinnerupput, kisianni tassa qiviaraanni nunatsinni aningaasaqarniarnerup siammasissumik isigigalugu appasissumiinnera aammalu Nationalbanken-ip ernialiissutai 0-ip ataaniisssimagaluartut, taava oqartariaqarpugut angusat ajunngitsut, aningaaserivimmi pisortaq Martin Kviesgaard oqarpoq nangillunilu:

- Aaamma maanna assut nuannerpoq, sullissanit annaasat killilerujussuusimanerat. Kalaallit Nunaanni inoqutigiikkuutaat akiitsuminnik akilersuipput ilaallu sipaagaqarlutik toqqorterillutik, suliffeqarfiillu pissutsinut atukkanut naleqqussallaqqissusertik takutippaat, suut inuiaqatigiinni qummut suullu ammut ingerlaneri malillugit naleqqussartarlutik. Tamakku tunngaviupput pingaaruteqartut Kalaallit Nunaanni pissutsit siammasissumik isigissagaanni, Martin Kviesgaard naqissusiivoq.

Taamaakkaluartoq, naallu ingerlariaatsit arlaqartut inuiaqatigiinni aningaasaqarnermik tikkuussigaluartut, aningaaserivimmi pisortamit pingaartinneqarpoq erseqqissassallugu maanna suariartuaalernermik takussutissat suli annikitsunnguummata. Kisiannili isumalluaatigineqarpoq ukiuni tullerni ataaseq marlunni tunngaviit qaffakkiartornerulerumaarnissaat.

- Soorlu assersuutigalugu sanaartornerup iluani isumalluarneq qiimmaallannartumiippoq aammalu takusinnaalerpagut sanaartukkatigut aallartinneqartut amerliartuinnalersut. Nalilerparput kinguaattooruteqartoq ukiunilu aggersuni suliffeqarfiit akornanni aningaasalersuerusussuseq uummaarissiartulerumaartoq. GrønlandsBANKENimit suut qummut ingerlajartulernerat malugisinnaavarput, kisiannili aatsaat iluamik malunnarsissaaq, suliffeqarfiit privat-illu annertunerusumik taarsigassarsiniartalerpata. Malinnaasinnaalluarnissamut periarfissaqarpugut, suliffeqarfiit privat-illu soorlu assersuutigalugu maskiinanik, illunik imal.. angallatinik pisiniarlutik aningaasalersuiumaneru-lerpata.

GrønlandsBANKEN-inip ukiumut naatsorsuusiorfiusumut 2015-imut naatsorsuutigisatik attatiinnarpaat, tassa 125 – 145 mio. kr.-nit akornanii angusaqarnissaq, angusat siorna 148 mio-kr.-iusimapput.

 » GrønlandsBANKEN-ip kvartal-it pingajuannut nalunaarutaa ugguuna ammarlugu atuaruk