Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

Naatsorsuutit: Taarsigassarsisitsinerit sillimmasiissussinerillu iluini annertun-ngikkaluartumik qaffanneqarpoq

12. aggusti 2015

Nalinik nalimmassaanerit nalikilliliinerillu pitinnagit angusat 68,7 mio. koruuniupput ukiup siuliani piffissap taamatut ilinerani 70,1 mio. koruuniusimallutik. Akileraaruteqarneq pitinnagu angusat 78,4 mio. koruuniniit 55,1 mio. koruuninut appariarput. Appariartoqarnerani peqqutaasut pingaarnersaat tassaavoq aningaaseriviup pappialat nalillit pigisaasa iluini nalitigut annaasaqarneq, tamanna 2014imi iluanaaru-teqarfiusimasoq.

Kvartali siulleq GrønlandsBANKENimut aamma taarsigassarsisitsinerit sillimmasiissussinerillu iluini 57 mio. koruunit missinginik qaffaateqarfiusimavoq.

- Angusat pissutsit qanoq innerat isigigaanni naammaginarluinnartumiipput. Erniammi appasinnerujussuunerisa erniatigut isertitagut eqqorpaat. Sullissagummi aningaaserivimmi taarsigassarsiissutinut sanilliullugit amerlanerujussuarnik uninngasuuteqarput. Uninngasuutit taarsigassarsiissutinit amerlanerugaangata taava nikingassutinik Nationalbankimiititsineq ullut tamaasa uatsinnut aningaasartuuteqartitsisarpoq, aningaaserivimmi pisortaq Martin Kviesgaard oqarpoq.

Aningaaserivimmi pisortap kissaatiginartippaa taarsigassarsisarnerit qaffannissaat, tamanna inuiaqatigiit iluanni ineriartornermik siunissamillu upperinninnermik takutitsisuusarmat. Erseqqissarpaali maanna pissutsit isigalugit takorlooruminaammat annertunerusumik qaffatsitsinissap pisinnaanissaa. Kisiannili Nuummi sanaartornerit anginerit soorlu parnaarussiviliorneq umiarsualiviliornerlu inuussutissarsiortunut malunnaateqartumik sunniuteqassasut naatsorsuutigivai.

- Privatit inuussutissarsiuteqartullu suli aningaasaliinissanut aningaasanillu atuinissaminnut mianersorput. Kikkullu tamarmik taamatut iligaangata inuiaqatigiit iluini unikaallattoqartarpoq. Kisiannili aamma qiimmaallannartunik takusassaqarpoq. Nuummi nammineq illusinerit takussaanerulerput, amerlanerit pinngortitamik mianerinninnerusunik biilisisalerput. Tamatuma takutippaa inuiaqatigiinni aningaasaqartoq. Aamma nuannersuuvoq takullugu sullissat amerlanerpaartaat taarsigassarsiaminnik ajunngitsumik taarsersuimmata tamatumami takutim-magu amerlasuut aningaasaqarnermikkut inissisimalluartut. Taamaattumik aningaaserivimmi atuisut taarsigassarsiaannit sillimmasiissunneqarnerinillu annaasartakkat annertunngillat, Martin Kviesgaard oqarpoq.

GrønlandsBANKENimit ukiumi naatsorsuusiorfiusumi 2015imi isumalluaatigisat attatiinnarneqarput naatsorsuutigineqarluni nalinik nalimmassaanerit nalikilliliinerillu pitinnagit angusat 125 – 145 mio. koruunimiinnissaat ukiup siuliani angusat 148 mio. koruuniusimallutik.

» Halvårsrapport, 1. halvår 2015