Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

Naatsorsuutit:Taarsigassarsisitsinerit sillimmasiissussinerillu siuariartut

28. apriili 2015

Martinindhold

Kalaallit Nunaanni aningaaseriviit annersaat aallartilluarpoq. Nalinik nalimmassaanerit nalikilliliinerillu pitinnagit angusat 13%inik qaffariarput, tassa taamak ilinerani ukiumut siuliusumut sanilliullugit 34,5 mio. koruuninik naak akileraarneq pitinnagu angusat kinguaallakkaluartut 25,2 mio. koruuniulerlutik.

GrønlandsBANKENip qaammatini siullerni pingasuni taarsigassiissusiinerisa sillimasiissusiinerisalu iluini qaffanneqalaarpoq katillugit 100 mio. koruunit missinginik: 

- Angusat naammagisimaarnarluinnartumiipput minnerunngitsumik eqqarsaatigigaanni erniat maanna appasilluinnartumiinnerat aammalu ilisimallugu sullissat ilarpassui kontominni uninngatitaqartut. Uninngasuutit taarsigassiissutinit amerlanerugaangata taava tamanna uatsinnut annassaqaataasarpoq uninngasuutit ilai Nationalbankimut inissikkallartariaqaraangatsigit, aningaaserivimmi pisortaq Martin Kviesgaard oqarpoq.

Naak erniat appasissorujussuarmiinnerisa qulaani angusat ammut naqikkaluaraat aningaaseriviup pisortaata tamatuma aamma ajungitsortarisinnasai isiginiarpai:

- Takusinnaasorinarpoq sullissatta amerlasuut erniat appasissorujussuarmiinnerat siumut alloriarnissamut atorluaraat. Ilaasa periarfissaq atorpaat illuminnik nutarterisitsinernut imaluunnit siullermeerlutik illusinermut, taamammi iliorusulerneq tupigisassaanngilaq taarsigassarsiat akikilliartornerat ilutigalugu pippat, taava ilimanarsinnaavoq aamma inuussutissatsiuteqartut aningaasaleerusussuseqalersinnaanerat. Taamallu pisoqarpat tamanna inuiaqatigiinnut inunnullu ataasiakkaanut ajunngitsumik sunniuteqassaaq.

Ukiut kingulliit Kalaallit Nunaanni aningaasaqarnikkut ineriartorneq minus imiinnikuusoq 2015imi aningaaserivimmit naatsorsuutigineqarpoq minusiujunnaarluni 0 imiilissasoq, kisianni sanaartornerup qaffakkiartornera inuussutissarsiornermut malunnaateqalersussaassaaq.

- Qaammatini pingasuni siullerni angusat ukiup pitsaasumik ingerlanissaanik tikkuussipput. Taamaattumik aningaaseriviup naatsorsuutigivaa 2015imi naammaginartumik ineriartortoqarnissaq, naak erniat appaseqisut ingerlatsinermik naqittaassigaluartut.

GrønlandsBANKENip ukiumi naatsorsuusiorfiusumi 2015imi nalinik nalimmassaanerit nalikilliliinerillu pitinnagit 125-145 mio. koruuninik angusaqarnissamik isumalluaatit attatiinnarpai.