Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

GrønlandsBANKEN Futsal-erlutik nunarput sinnerlugu unammisartunut nutaatut GULDboldsponsor-inngorpoq

14. juni 2016

Indholdsbillede Futsal Landshold

Futsal-erlutik nunarput sinnerlugu unammisartugut ukiuni kingullerni takutitsilluartarsimapput, Kalaallit Nunaanni innuttaasunik katersuutsitsillutik taamaammallu GrønlandsBANKEN maanna Guldsponsor-itut inissippoq.

- Futsal-imi angutinut unammisartunut Guldboldsponsor-inngornikkut Kalaallit Nunaata Tamarmiusup Aningaaseriviata kissaatigivaa hold-i innuttaasunik katersuutsitsisinnaasoq tapersersorumallugu, GrønlandsBANKEN-imi administrationsdirektør, Carsten Th. Pedersen oqarpoq. Hold-i ukiuni kingullerni siuariartorluarsimavoq angusallu arsaattartut sungiusaasullu tunniusimalluarlutik sulerulullutillu tamaviaarnerisigut pilersinneqarsimallutik, tamannalu GrønlandsBANKEN-imit tapersersussallugu pissusissamissoorluinnartuuvoq, Carsten Th. Pedersen naggasiilluni oqarpoq.

GBU-mi siulittaasup John Thorsen-ip landshold-ip angusarissaarnermigut aningaasaliinikkut tunuliaqutsiiumasunik angisuunik GrønlandsBANKEN-itut ittunik kajungerineqarnera nuannaarugigaa, tamanna timersornerup ineriartortinnissaanut tunuliaqutsilluartussaassammat.

- Landshold-i pitsaanerulernissamut periarfissagissaarpoq, tamannali ullormiit ullormut piunnanngilaq. Ukiorpaalunni tamaviaarluni sulinikkut minnerunngitsumillu aningaasassaqartitaalluni ingerlasinnaanikkut aatsaat anguneqarsinnaavoq, tassanilu GrønlandsBANKEN-imit tatigineqarnermik takutitsivigineqarpugut, taamallu sinakkutissanik pitsaanerusunik anguniagaqarnitsinni tunineqarluta. Suleqatigiinissaq qilanaaraarput, John Thorsen oqarpoq.

GrønlandsBANKEN-ip guldboldsponsoriulerneratigut nutaanik amerlanerusunillu periarfissaqalertinneqarpugut nunarput sinnerlugu unammisartunut sungiusaasut René Olsen aamma Tekle Ghebrelul periarfississallugit sungiusaanermik aallussinerunissaannik aammalu unamminissanut piareersarnernik suliaqarsinnanerulernissaannik.

- Landshold-imi unammisartugut unammissallutik sassaraangata naluneq ajorparput nunarput tamakkerlugu angerlarsimaffinnit malittarineqartartut, maannalu GrønlandsBANKEN tunuliaqutigalugu tapersersorneqarnermikkut, aamma aningaasassaqarnerulersinneqarput, ineriartoqqinnissaminnut periarfissagissaarnerulersinneqarlutik, landstræner René Olsen oqarpoq.

Sponsor-iunissamik isumaqatigiissut 2018-imi december-ip qaamataa tunganut atuutussaavoq piffissamilu tassani unammisartut sungiusaasullu sungiusarnerni unamminernilu atisaanni aningaaseriviup ilisarnaata ”appa” ersisaaq.