Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

GrønlandsBANKEN-imi saqqummersitsinissaq

06. oktobari 2016

Indholdsbillede Kattie PedersenEqqumiitsuliortoq misileraasuusoq, Kattie Pedersen, 13. oktober GrønlandsBANKEN-imi saqqummersitsilluni ammaassaaq. Saqqummersitassat Kalaallit Nunaanni pissutsinik aallaaveqarput.

Tassani tunngaviupput pinngortitaq aammalu inuit akornanni ulluinnarni pisartut. Kattie nammineq oqarpoq, iisumassanik aallerfigalugit ulluinnarni pisartut aammalu pinngortitap piorsarsimassutsillu ataatsimuulersinnaasarnerat.

”Qalipagassannik isumassanik aallerfigisarpakka pinngortitaq piorsarsimassuserpullu. Sulianni misileraasuuvunga kissaatigisaralu tassaavoq pinngortitsinissaq arlaatigut eqqissinermik takutitsisunik.”  Kattie-p suleriaasii siammasissuupput taamaakkamillu misileraajumanermik takutitsisuullutik, eqqumiitsuliornikkut aaliangersimasumik pituttuisuussumik aallaaveqaratik. Siusissukkut suli inuusulluni qalipagaliorneq sammilersimavaa: ”Titartaaneq qalipaanerlu qangaammalli inuunerma ilagisimavaat. Meeraallunga aqerluusat qalipaatit imilertakkallu atorlugit silarsuarisara pulaterfigisarsimavara akunnerpassuillu ilaatigut atortarsimavakka leksikon-ini assit assilillugit sulillunga aammalu imminut assilillunga titartaasarlunga.” 

Kattie-p eqqumiitsuliortutut ingerlanermine aqqusaarsimavai assilialiorneq aallaavigalugit efterskolemi GU-milu sammisarisat. Kingusinnerusukkullu ukioq ataaseq titartaasartutut atuarfimmi ukioq ataaseq ilinniarsimavoq tassanilu isumassarsiullaqqissutsini annertuumik atorsinnaasimallugu. Ullumikkut uinilu meeqqatillu pingasut Nuummi najugaqarput.