Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

GrønlandsBANKEN-ip naatsorsuutit kusanartut tigummiinnarpai naak nalisigut annaasaqaraluarluni

10. aggusti 2016

Martinindhold (1)

Nalinik nalimmassaanerit pitinnagit angusat 68,2 mio. kr-upput siorna taamak ilinerani 68,7 mio. kr-usimasut. Akileraaruteqarneq pitinnagu angusat 55,1 mio. kr-niit 47,7 mio. kr-nut appariarput. Tamanna pappialat nalillit nalingisa appariarsimanerannik peqquteqarnerpaavoq.  Ukiup affaani siullermi taarsigassarsisitsisarnerit 65,3 mio. kr-nik qaffarialaarsimapput.  Taamak ilinikkut GrønlandsBANKEN-imi taarsigassarsiarititat sillimmasiissutigineqarsimasullu 4 mia. kr-it sinnersimavaat tamakkiisumik oqimaaqatigiissitsinermi 5,75 mia. kr-t anguneqarsimallutik.

- Angusat siorna angusanut assingusorujussuupput taamaammallu naammaginarluarlutik pissutsit qanoq maanna ittuuneri eqqarsaatigaanni. Erniat appaseqisut erniatigut isertitanik eqquipput saniatigullu pappialat nalillit nalingi annaasaqarfiullutik. Minnerunngitsumilli kvartal-ip aappaani qaffakkiartortoqarsimavoq, kisianni taarsigassarsitsinerit qaffariaraluartut suli uninngasuutigisagut taarsigassarsiaritinneqartunit amerlanerupput. Nationalbanken-imilu aningaasanik inissiisarnerput ullut tamaasa annaasaqassutigisarparput, aningaaserivimmi pisortaq Martin Kviesgaard oqarpoq.

Aningaasrivimmi pisortap isertuutinngilaa takorusukkkamiuk aningaaseriviup Kalaallit Nunaanni annertunerusunik taarsigassarsisitsisarnissaa. – Takusinnaavagut suliffeqarfippassuit ilaqutariillu ataasiakkaat aningaasaliinissamut piareersimasut. Maannalu nunatsinni siuariartorneq malunnarpoq aalisarnermilu isertitagissaartoqarqarluni aammalu sanaartornerup iluani suliaqartoqarluarluni. Tamakku suliffeqarfinnut pisortanullu isaatitsilluaataapput aammalu suliffissaaleqinerup appariartorneranik pilersitsillutik, aningaaseriviup pisortaa naliliivoq.

- Tamakku peqqutigalugit aningaasaliinissaq inissaqartinneqalerpoq ilaqutariit ataasiakkaat suliffeqarfiillu akornanni. Tamannalu ineriatorneruvoq pitsaasoq. Minnerunngitsumik Nuummi inissanik niurnerit ingerlalluarput, amerlanerillu nutaanik biilitaartorlutillu angallatitaartorput, Martin Kviesgaard oqarpoq.

GrønlandsBANKEN-imit ukiumut 2016-imut angusatigut isumalluuteqarneq nalinik nalimmassaanerit nalikillilerinerillu pitinnagit  125-145-imiissasoq attanneqartuarsinnarpoq. Ukiup siuliani angusat 137 mio. kr-upput.

» Ukiup affaanut nalunaarusiaq, ukiup affaa siulleq 2016