Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

GrønlandsBANKEN-ip peqqinnissaq pillugu uuttuusiilluni paasisat tunngavigalugit erseqqissumik isummersorpoq

26. apriili 2016

Takeastand2016jesperindhold

Akunneq ataaseq minutsillu 11-it. Take a Stand-imi peqataasut 317-iusut taamatut annikinnerusumik ullormut issiasarput.

Misissuinermi inernerit ilaat taamatut ippoq, angusammi maanna Statens Institut for Sundhed-ip nittartagaani aammalu atuagassiami pingaartinneqaqisumi International Journal of Epidemiology-mi takuneqarsinnaapput.

Take a Stand-imi peqataaneq uatsinnut peqataasunut allatut aamma iluaqusiisimavoq. Ilisimatusartummi uuttortarsimavaat, peqataasugut peqataanerup kingorna ullormut allornernik amerlanernik atuilluta pisuttalersimasugut aammalu timitta orsua agguaqatigiiissillugu 0,6%-imik appariarsimasoq orsorlu nukinnguuttoq 0,8 kilo-mik annertusisimasoq.

GrønlandsBANKEN saniatigut misissuilluni misileraanermi Take a Stand-imi peqataasimapput Fredensborg Kommune, Aalborg Kommune aammalu Slagelse Kommune, ingerlanneqartorlu taanna maannamut pineqartumut sammisumi misissuinerit nunarsuarmi annersarivaat.

”Take a Stand” pillugu ilisimalikkat

  • Ilisimatusarluni ingerlanneqartoq Take a Stand issiaannarluni sulisarnerup iliuuseqarfigineqarnissaanik siunertaqarpoq.

  • GrønlandsBANKEN-imi Nuummi qullersaqarfimmi sulisut misilittaanermi peqatataasimapput. Peqataanermi ilaasut 2014-imi ilaatigut quttoqqaminni uuttuutinik ikkussuiffigineqartarsimapput, qanoq ullormut issiatiginerannik qanorlu annertutigisumik nikorfasarnerannik uuttuisunik.

  • GrønlandsBANKEN-imi sulisut arlaqartut misigisimavaat qitiminni orsortik annikillisoq aammalu ullup ingerlanerani nikorfasarnertik malunnarluartumik annertusisimasoq.

  • GrønlandsBANKEN-imi sulisorpassuit Take a Stand-imi peqataanermi kingorna ileqquliussatik pitsaasut tigummiinnarsimavaat. Taamaattumik aningaaserivimmi takuneqarsinnaajuarput sulisut nikorfallutik sulisut.

  • Aningaaserivimmilu sulisut ilaat ullormut akunnerit 6-it tikillugit nikorfallutik sulisarput.