Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

Kvartal-imut naatsorsuutit: GrønlandsBANKEN-imi tunngaviusumik ingerlatsineq patajaatsoq

26. apriili 2016

Martinindhold (1)

GrønlandsBANKEN-ip ukioq aallartilluarpaa kvartal-imi siullermi 21,4 mill. koruuninik angusaqarluni. Ukiup siulianili angusanut 25,2 mill. koruuniusunut sanilliullugit isertitatut angusat appasinnerulaaraluarput.

Ukiumi qaammatinut siullernut natsorsuutit ilaatigut ilanngaaseereerluni angusat eqqarsaatigalugi kiumut 2015-imut sanilliullugit 2,5%-imik appariarsimasut takuneqarsinnaavoq. Tamatumunnga pissutaanerpaapput obligation-ininit erniasiat appasinnerusimanerat aammalu Nationalbank-imi ernialiussat 0-ip ataaniissimanerat.

- Kvartal-imi siullermi angusat naammaginarput, kisiannili erniat maannamut appasissumiittuarnerat peqqutigalugu patajaatsumik ingerlatsisimanerup kusanassusia iluamik ersertinneqanngilaq saniatigullu aamma ukiup siulianut sanilliullugu annertunerusunik nalitigut annaasaqarsimavugut, aningaaserivimmi pisortaq Martin Kviesgaard oqarpoq.

Siunissamut aningaasaliineq

Naak aningaasanik niuerfiusumi erniat 0-ip ataaniinnerat aningaasriviup ingerlatsineranik naqitsisimaaraluartoq, aningaaserivimmi pisortap kvartal-imi angusat pitsaasuuneri ajunngitsortaqartuttakusinnaalluarpai. Tikkuarpaalu aningaaseriviup annaasai taarsigassarsianullu atatillugu nalikilliliineri aammalu sillimmasiissutit suli appasissumiinnerat kiisalu erniat appasissut peqqutigalugit atuisut, soorlu illusinissamut biilisinissamullu atatillugu, akikinnerusunik taarsigassarsisinnaanerat.

- Malugisinnaavarput upernariartulersoq inuillu sullissat ataasiakkaat inissianik /illunik niueqatigiinerulernerat nutaanillu bil-isiortulernerat aammalu sanaartornermik ingerlatsisuusut ulapputeqarnerulernerat, Martin Kviesgaard oqarpoq nangillunilu:

-Aningaaseriviup Qaqortumi immikkoortortaqarfini nutartertereerlugu nukissamillu atuinikinnerusunngorsareerlugu ammaqqeqqammerpaa aammalu maanna Maniitsumi immikkoortortaqarfiup nutarterneqarnera aallartinneqarpoq. Tamakku tamarmik takutippaat, Kalaallit Nunaanni siunissaq upperigipput aningaasaliiffigalugulu, Martin Kviesgaard oqaluttuarpoq.

Maatsorsuutigineqarpoq siuariartortortumik ingerlanissaq

Kalaallit Nunaanni 2012 – 2014-imi amigartooruteqarfiusumik aningaasanik tamakkiisumik kaaviaartitsinerup kingorna aningaaserivik naliliivoq, 2015-imi pissutsit ilorraap tungaanut saqittut, taamallu tamakkiisumik kaaviiartitsineq (BNP) sinneqartooruteqartumik ingerlalerluni. GrønlandsBANKEN-imiillu naatsorsuutigineqarpoq, 2016-imi BNP suli qaffariaqqissasoq ilaatigut sanaartortoqarnerulernera raajartassallu qaffannerat peqqutigalugit.

- Kvartal-imi siullermi angusat tunngavigalugit ukioq aallartilluarparput aningaaseriviullu naatsorsuutigivaa 2016-imi naammaginartumik ineriartornissaq, naak erniat appasinnerat peqqutigalugu suli akunnattuunganartoqarsinnaassagaluartoq, aningaaserivimmi pisortaq Martin Kviesgaard naggasiivoq.

GrønlandsBANKEN-imit nalinik nalimmassaanerit nalikillisaanerillu pitinnagit 2016-imi 125 – 145 mio. koruunit iluini angusaqarnissamik naatsorsuutiginninneq attatiinnarneqarpoq. Ukiup siuliani angusat 136,8 mio. koruuniupput.