Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

Taarsigassarsiissutit immikkuullarissut kalaallinut aallartitsiumasunut nutaanik periarfissiipput

20. juni 2016


JjansvarligtlaanindholdGrønlandsBANKEN-ip Inuutissarsiornermut aningaasaateqarfia pilersinniakkanut minnerusunut atugassanik aallarniutaasumik 2 mill koruuninik illikartitsivoq, aningaasaqarniarnermut uummarissaataalersussanik nunatsinnilu nutaanik suliffissanik pilersitsinissamut tunngavissiisinnaasunik.

Taamatut ilassutaasumik periarfissiineq aallartitsiniartunut immikkut ilusiligaasumik tunngavilerlugu sammititaavoq. Tassa aallartitsiniartunut ingerlataminnik aningaasaleeqqinnermikkut ineriartortitseqqinnissamut piukkunnaateqartunut sammitinneqarluni.

- Taarsigassiissutissatut periarfissiissut pineqartoq sammitinneqarpoq aallartitsisunut pilersinniakkaminnik ukiorpaalunni inerisaallutik suliaqarsimasunut, ikorfartorneqarnissamilli pisariaqartitsisunut, soorlu tunisassiaminnik pitsanngorsaaqqinnisamut aningaasatigut ikiorserneqarnikkut, avammut tuniniaalersinnaajumasunut imal. tuniniaaviusumik inissisimanermikkut nukittorsarumasunut, Jesper Hasen, GrønlandsBANKEN-imi inuussutissarsiuteqartunut sullissinermi pisortaasoq, oqarpoq.

Uummarissaanissamut atugassiat

Maannamut suliniutigineqartut marluk ukuusut, Kaaka Lund-ip Thank Tou-app.-iliaa aammalu Jens-Jakob Lennert Sandgreen balloon-projekt-iliaa illikartitanit pissarsitinneqarsimapput. Jens-Jakob-ip taarsigassarsiaritinneqartut atorlugit USA-mi misiliisinnaalerpoq.

- App-it aallaavigalugit ingerlatsiniarnerni uppernarsarneqaqqaartussaapput, suliariniakkat ikorfartorneqarnissamut naleqquttuunersut. Sammivimmimi taaneqartumi pilersitsisut isumassarsiatsialammut aningaasaliineq ajorput naammassinninissamulli. GrønlandsBANKEN-ip Inuutissarsornermut aningaasaateqarfianit taarsigassarsinerup periarfissippaatigut suliniutip aallartisarsinnaanissaanut taamallu piviusunngortitsinissamut sukkanerusumik anngunniarsinnaanissamut, Jens-Jakob Lennert Sandgreen oqaluttuarpoq.

Aningaasaliisinnaasunut kajumissaarineruvoq

Balloon-projektet maanna ingerlatsinermi allornerup aappaanut ingerlavoq taaneqartartumut seed round, 2016-imilu ukiarnerani allartitsineq naammassinninnerlu pissapput. GrønlandsBANKEN-ip Inuutissarsiornermut aningaasaateqarfianit taarsigassarsisinneqarnikkut ammanerulersinneqarpoq allanit aningaasaleerusuttoqalersinnaanera:

- Taarsigassarsinissamik isumaqatigiissuteqarnermi pingaartuuvoq isumaqatigiissutigissallugu GrønlandsBANKEN-ip Inuutissarsiornermut aningaasaateqarfia akiitsoqarfigisat akornanni tunorlerpaanngornissaa. Tech-imik suliaqartut akornanni taarsigasseeriaaseq eqqartorneqartutut ittoq aallartisarnermi pitsaalluinnartuuvoq , aningaasaliisinnaasut allat siusissukkut nalilersuineq, piginneqataasutsinik siammartiterineq imal. suliniutip akiitsoqarfigisanut allanut pituttugaalereersimasinnaanera peqqutigalugit qunusiarineqarneq ajormata, aallartitsiniartoq oqarpoq nangillunilu:

- GrønlandsBANKEN-ip Inuutissarsiornermut aningaasaateqarfianit taarsigassiissutigineqartartoq aamma akuersaarinninnermik ilisarnaasiipajaarnertut nalilerneqartarpoq, aningaasaliisinnaasunit takuneqarsinnaalersarmat, alloriarnerit siulliit iluini aningaasaliinikkut allanik upperinnittunik peqataasoqalereersimasoq, Jens-Jakob Lennert Sandgreen naliliivoq.

Taarsersuinissaq eqaatsumik ilusiligaasoq

Immikkut kajungernartuusutut Jens-Jakob Lennert Sandgreen-ip taavaa utertitsilluni taarsersuilernissap eqaatsumik ilusiligaanera.

- Uanga nammineq iluarisimaaqaara Kalaallit Nunaanni sammineqartutut aningaasalersuisinnaaneq aallartinneqartoq. Taarsigasseeriaatsip nunatsinni suliniutit nutaat aallartinneqarsinnaalernissaat ammaassivigissavaa, suliniutit aallartitsiniartumit Inuutissarsiutinullu aningaasaateqarfimmit upperineqartut takuneqarsinnaalissammat, oqaluttuarpoq.

Taarsigassiissut ukiuni 6-ini ingerlasussaatitaavoq taarsigassarsisorlu periarfissaqarpoq qaqugukkulluunniit taarsigassarsiani siusinnerusukkut naammassillugu akilissallugu.

Kiisalu aallartitsiniartoq taarsigassarsiap allatut inississinnaaneranut periarfissaqartinneqarpoq, tassa taarsigassarsiat ingerlanneqartup iluani immineq aningaasaatigisanngortillugit, taamallu taarsersuinernut ernialiussanullu akilersukkat atorunnaarsillugit, aaqqinneqarsinnaagami. Tamanna pisinnaavoq GrønlandsBANKEN-ip Inuutissarsiornermut aningaasaateqarfia piginneqatigiiffimmi piginneqataalersinneratigut.

GrønlandsBANKEN-ip Inuutissarsiornermut aningaasaateqarfia aammalu qanoq iliorluni taarsigassarsiniartoqarsinnaanera pillugit ugguuna paasisassarsiorit www.banken.gl.

Ilisimasat

  • Aningaaseriviup annaasaqaataasinnaasumik taarsigassiissutai 100.000 koruuniniit 250.000 koruuninut angissuseqarput ukiullu arfinillit tikillugit taarsersuinani atorneqarsinnaallutik.

  • Taarsigassarsissaguni aallartitsisup inuussutissarsiornermut siunnersuisooqatigiit tunngavissiai maleruagassiaallu naapertuuttumik inissisimaffigissavai, soorlu assersuutigalugu ingerlatsinermini inatsisit naapertuuttumik malissallugit, GER-/CVR normoqassalluni aammalu uppernarsarsinnaassallugu pisariaqartunik sillimmasiissusiorsimanini.

  • Taarsigassarsisinnaassaguni aallartitsisup takutissinnaassavaa tunisassiaq nutaaliaasoq, soqutiginartuusoq, siunissaqartoq, avataanit pisiortornermut killilersuutaasinnaasoq imal. avammut tuniniagassaqqissuusoq.

  • Taarsigassiissut pineqartoq nalinginnaasumik taarsigassiissutaasartunit eqaannerusumik ilusiligaavoq. Tassani immineq aningaasaateqarnissamut piumasarisat aammalu qularnaveqqusiisinnaanermut piumasarisat sakkukinnerullutik aammalu arlaatigut unittoornermi utertitsinissamut atatillugu aningaaserivik immineq kingullertut aaqqiivigisassanngorluni inissittarluni. Taamak ilisumik taarsigasseeriaaseq pineqartoq oqaatigineqarsinnaavoq tassaasutut nalinginnaasumik taarsigassap imminerisamillu aningaasaateqarnerup akornanni ittoq.

  • Aallartitsiniartup kissaatigippagu GrønlandsBANKEN-ip inuutissarsiornermut aningaasaateqarfianit taarsigassarsiarisat ukiut pingasut qaangiunnerini ingerlatsivimmi imminerisamik aningaasaatinngorlugit nuunneqarsinnaapput, taamatut iliornikkut taarsigassarsisup pinngitsoortissinnaammagit ernianik taarsersuutinillu akilersuinissaq.

Annertunerusunik paasiniaaniaruit

  • Inuussutissarsiornermi pisortaq Jesper Hansen, GrønlandsBANKEN, oqarasuaat 34 77 70, e-mail: jh@banken.gl
  • Aallartitsiniartoq Jens-Jakob Lennert Sandgreen, Balloon-projektet, oqarasuaat 22 24 13, e-mail: jj@openballoon.com