Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

GrønlandsBANKEN-ip Inuussutissarsiornermut Aningaasaateqarfiata aallarniisumut nersornaataa 2019

15. maaji 2019

Kristian Lennert Taet

GrønlandsBANKEN-ip Inuussutissarsiornermut Aningaasaateqarfiata aal-larniisumut nersornaataa 2019

GrønlandsBANKEN-ip Inuussutissarsiornermut Aningaasaateqarfiata ullumikkut –13. maj 2019 – aningaasaateqarfiup aallarniisumut nersornaasiuttakkani Anette aamma Bo Lings, Sisimiuneersunut tunniuppaa.

Inuussutissarsiornermut Aningaasaateqarfiup ukiuni arlalinni inunnut imaluunniit suliffeqarfinnut aallarniisumut, atuunnermini immikkut piumassuseqartumut, pimoorussisumut kiisalu maluginiagassamik suliaqartumut nersornaatigisartakkani tunniuttarpaa – piffissallu ingerlanerani ner-sornaammik tigusisut Kalaallit Nunaanni sumiiffinnit assigiinngitsuneersuullutillu inuussutissarsiorfinnit assigiinngitsuneertuusimapput.

Inuussutissarsiornermut Aningaasaateqarfiup siulersuisuisa Aallarniisumut nersornaat 2019 Anette aamma Bo Lings, Sisimiuneersunut tunniunneqassasoq aalajangerpaat.

Nersornaammik tunniussinermut ilaapput aningaasat 25.000 kr.-it.

GrønlandsBANKEN-ip Inuussutissarsiornermut Aningaasaateqarfiata siulittaasuata, Kristian Lennertip toqqaaneq tunngavilersorpaa:

”Inuussutissarsiornermut Aningaasaateqarfiup Aallarniisumut nersornaataanik 2019-imik tigusisussatut Anette aamma Bo Lings-ip toqqarneqarnerannut tunngavilersuutaavoq, Sisimiuni aallaaveqarlutik, ukiuni arlalinni ilisimasaqarluarlutik, pimoorussillutik, ilungersorlutillu Sisimiuni eqqaanilu inuussutissarsiornikkut, pingaartumik takornarianut neqeroorutitigut pitsanngorsaallutillu ineriartortitseqqissimammata.

Anette aamma Bo Lings-ip takutippaat, sumiiffimmi sumiluunniit misigisassanik immikkuullarilluinnartunik pilersitsisoqarsinnaanera. Kingullertigut misigisassat annertusineqarput, aali-sarfimmi nunarsuarmi assigineqanngitsumi aalisarnissamut immikkut ittumik periarfissiinikkut, tassani kuussuarmi akuersissuteqarluni aalisarnissamut periarfissat sinaakkutinik nutaanik imaqartut atorneqarluarlutik.

Pingaartumik nersortariaqarpoq takusinnaallugu, qanoq Anette aamma Bo Lings-ip sumiif-fimmi sammisassat siammarterlugit iluatsissimaneraat kiisalu ukiup ingerlanerani kiisalu neqeroorutini immikkoortut assigiinngitsut qanoq ataqatigiinnersut, Sisimiuni tikeraarnermi tamakkiisumik misigisaqarnissamut tapersersuillutik.

Piffissami Kalaallit Nunaata attaveqaateqarnerata allanngoriartorfiani inerisarneqarneranilu, pingaaruteqarpoq, takornariassanut nutaanut, taamaasillunilu takornarianik amerlanerusunik qaammaasussanik misigisassanik pilersitsinissamut atugassarititaasut periarfissat tamaasa isigineqarnissaat ukkatarineqarnissaallu. GrønlandsBANKEN-ip Inuussutissarsiornermut Anin-gaasaateqarfiata siulersuisui isumaqarput, Anette aamma Bo Lings suliassaqarfimmi tassani sallersanngorsimasut aqqutissiuussillutillu, neriunartumik aallarnisaasussanut nutaanut isumassarsiortitsilluarlutik.”

Nersornaat Juliane Henningsen-imut Arctic Circle Business-imeersumut tunniunneqarpoq, Anette aamma Bo Lings tunniussinermi peqataanngitsut.