Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

Piujuaannartussamik ingertsinissamut neriorsuut aningaasaliinissamut ammaavoq

24. oktobari 2019

GrønlandsBANKEN ippassaq Jens immanuelsen-ip Sermitsiami ”Aalisarnerup ajalusoornera: Maanna iliuuseqartoqassaaq” oqaaseqarnera nuannaarutigaat, Grønlandsbanken aamma ilaatigut KNAPK, aalisartut aamma Sulisitsisut aalisarnermi ingerlatsineq ernumaginerat erseqqissarpaa.

”Aalisarnermut Naalakkersuisoq Jens Immanuelsen-ip aalisarnermut akuersissutit nutaat unitsinneqarnissai aamma pisassarititat piujuaannartussamik tunngavilimmik ingerlatsinneqarnissai pillugit atuarpagut. Tamannalu piujuaannartussamik ingerlatsisoqarnissaannut kajumissaaruterput tusaaneqartutut tiguarput” aningaaserivimmi pisortaq Martin Kviesgaard oqarpoq.

”Aalisartut amerlavallaarneri annikillisarnissai pillugu Naalakkersuisut aalisarneq piujuaannartussamik tunngaveqarlutik ingerlatsinissaat siunertaralugu iliuuseqarnissaat qilanaaraarput takunissaa” oqarpoq.

Aningaasaliinissaq ammavoq
”Naalakkersuisullu aalisartut ikilinissai aamma pisassarititallu aaliangersorneqarnissai pillugit isumaqataanerat piujuaannartussamik ingerlatsisoqarnissaanut erseqqissaavoq. Oqaatsillu taaneqartut tunngavigalugit aningaaserivik maannakkut inuussutissarsiornermi aalisartunut nalinginnaasumik aningaasaliinissarput ammarparput. Aalisartunngorniartunut aningaasaliineq suli matoqqassaaq, tamannalu Jens Emanuelsens oqaaseqarneranut tulluartipparput” aningaaserivimmi pisortaq Martin Kviesgaard oqarpoq.

Aalisartut amerlavallaarput
”Aningaaseriviup isummersornerani isornartorsiortut tusaavagut, kingusinnerpaamillu politikkikkut oqaaseqartartoq Karl Kristian Kruse-miit tusaavarput. Aningaaseriviulli erseqqissaatigissavaa maannakkut aaqqissuussaaneq aalisarnermut piujuaannartussamik tunngaveqanngimmat” Martin Kviesgaard oqarpoq.

”Aalisartut amerlavallaarput aalisakkallu ikippallaarlutik, tamanna maannakkut aaqqissuussinerup ajoqutigivaa, KNAPK-p aamma tamanna oqaatigigaa tusarparput. Ukiunilu kingullerni aalisartunut atortussanik aningaasaliinikunut tamanna aamma ajoqutaavoq. Aalisartummi naatsorsuutiginikuuaat aalisarneq piujuaannartussatut ingerlatinneqassasoq, piujuaannartussamik tunngaveqanngitsumik pisassarititat pisuullutik aalisartut isertitaqarnissaanut najoqqutarisaat nungusarneqannginnissaa naatsorsuutiginikuuaat taavalu aalisartut amerlavallaat inuussutissarsiornermut peqataalernikuullutik. Ajoraluartumik nunap iluani aalisarneq maannakkut ajalusooriartorpoq” aningaaserivimmi pisortaq Martin Kviesgaard oqaasiliivoq.