2016-imi Kalaallit Nunaat aaqqissuisuusussaavoq, timersornerinnaanngitsumik annertunerujussuarmilli. Arctic Winter Games-imi tassaavoq nunarsuarmi nunat issittut timersuutinik tamatigoortunik unammersuarnerisa, kulturikkullu aaqqissuussinerisa annersaat, aaqqissuussinerlu taama ittoq piviusunngussappat, aningaasaliissuteqartussanik isumaqatigiissuteqarnissaq pingaaruteqarpoq. Taamaammat GrønlandsBANKEN-ip pilersaarummut tapersersuisutut Nanoq-sponsor-itut inissinnera immikkut pingaaruteqarpoq.

- Kalaallit Nunaata tamarmi GrønlandsBANKEN-iatut tulluusimaarutigaarput, Artic Winter Games-ip piviusunngortinnissaanut tapersersuilluta peqataassagatta.
Neriuutigaarput suliffeqarfiit suli amerlanerusut, inuillu ataasiakkaat aaqqissuussamut tapersersueqataassasut. Taamaalilluta sapinngisamik pitsaasumik atugassaqartitsinitsigut, timersortatutta pitsaanerpaamik angusaqarnissaannik periarfissiuutissagatsigit, nunattalu ajunnginerpaaffissaa avammut takutillutigu, Martin Kviesgaard, GrønlandsBANKEN-imi pisortaaneq oqarpoq.

Grønlandsbankip aningaasanik tapiissuteqarnermi saniatigut, timersortartut ikiuuttullu nunat allat aningaasaannik akeqanngitsumik aggortitsisinnaassapput, aammalu GrønlandsBANKENi sulisuminik sulisitsissalluni, nittarsaanermillu suliaqassalluni.

- Kissaatigaarput peqataasut tamarmik puigunngisaannagassaminnik misigisaqarnissaat. Arctic Winter Games aamma periarfissiivoq ataatsimoorluta Kalaallit Nunaata pitsaasumik nittarsaannissaanut. Arctic Winter Games Kalaallit Nunaannut tamarmut tunngavoq, tamattalu peqataanitsigut, suli ajunnginnerusumik angusaqassaagut, Maliina Abelsen, Arctic Winter Games 2016-imut General Manager-iusoq oqarpoq.