Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.
11. decembarip 2018
Kalaallit Peqqissartut Illuat 2018-imi juullimi tunissuteqarfigineqarpoq
GrønlandsBANKEN-ip juullimi tunissutigisagai 25.000 kr.-iusut ukioq manna Københavnimi Kalaallit Peqqissartut illuannut tunniunneqarput. Ukiut aappassaat GrønlansBANKEN-ip facebookimi malinnaasuni soqutiginnittunilu peqataatippai. Aningaaseriviup sulisuinit toqqarneqartunik peqatigiiffinnik pingasunik toqqaanissamut periarfissinneqarput, matumanilu Kalaallit Peqqissartut Illuat tunniussivigineqassasoq aalajangerneqarpoq.
Assimi takuneqarsinnaavoq GrønlandsBANKEN-ip aallartitaa, finansatrainée Kimmernaq Møller, maskotti APPA peqatigalugu Kalaallit Peqqissartut Illuat sinnerlugu tunissummik tigusisumut aqutsisoqarfimmi pisortamut Malene Marie Nielsenimut juullimi tunissuteqartut.
- Tunissummut kusanartumut, najugaqartuutitsinnut sulisunullu iluaqutaasussamut qujangaarpugut, Malene oqarpoq nassuiaaqqillunilu, - Nuannaarutigaarput, inuit amerlanerit, Kalaallit Peqqissartut Illuat tunissummik tigusisussatut toqqarsimammassuk. Peqqissartut Illuata peqqissartunut annertuumik iliuuseqartarneranut tunissut nersorinninnertut isigaarput. Tamanna sulisunut, ullut tamaasa ineqartunut paaqqutarinninnermik isumassuinermillu pisariaqartitaannik tunniussiniarlutik annertuumik suliaqartartunut pingaaruteqarluinnarpoq.
Ukiut arfineq-aappassaat, GrønlandsBANKEN-i siunertamut kusanartumut aningaasanik tunniussaqarpoq. Ukioq kingulleq Neriuffiit Kattuffiat, juullimi tunissutinik 25.000 kr.-inik tigusisuuvoq.
GrønlandsBANKEN-ip Kalaallit Peqqissartut Illuat tunissut pillugu pilluaqqugaarpaat.
Tilbage
