14. september aallarnerfigalugu Dankortinnut imaluunniit Visa/Dankortinnut kortinut aalajangersakkat allanngortissavagut. Tamanna illit kortimik piginnittutut kortinnik pisiaqarsimasutut uppernarsaanissamut piumasaqaatit nutaat tunngavigalugit pivoq. Niuertarfinni niuernermi isumannaallisaat pitsaanerpaaq ilisimaneqartoq tassaavoq PIN-kode, nittartakkakkulli niuernermi PIN-kode atorneqarsinnaanngilaq, tassa nittartakkakkut niuernermi isumannaallisaanermut piumasaqaatit maanna sukaterneqalerput.

Kortimut aalajangersakkani nutaani 14. september 2019-imi atulertussani ”Inuttut isumannaallisaaneq” ilanngunneqassaaq, tassani isumannaallisaanerit nutaat illit kortimik piginnittutut kortimik atuinermik qulakkeerinninnissaq qularnaarneqassaaq. Nittartakkakkut niuernermi taamaattumik isumannaallisaanermi kodemik amerlanertigut nalunaaruteqarnissaq misigisassavat. Nittartakkakkut niuerfiit annertunerusumik kortimik piginnittup pisineranik qulakkeerinninnissaasa piumasaqaatigineqarnera tunngaviuvoq. Niuertarfiup pisinerni immikkut isumannaallisaanermik neqeroorfiginngippatit, aningaaserivik pisussaatitaavoq nuussineq itigartissallugu.

Malittarisassanik nutaanik akuersisutut isigissavarput, 14. september 2019 nallertinnagu malittarisassanik nutaanik pituttorsimarusunnginnerit uatsinnut nalunaarutiginngikkukku.

Malittarisassanik nutaanik pituttorsimarusunnak nalunaarutigigukku, malittarisassat nutaat atulerpata isumaqatigiissut atorunnaartutut isigineqassaaq, tamatumalu kingorna kortit matuneqarluni. Ukiumut akiliut siumoortumik akilersimagukku, ukiumut akiliutip ilaa naleqquttoq ilinnut utertinneqassaaq.

» Allannguutit Dankort-imut 14. september-imiit atuutilertussat

» Allannguutit VisaDankort-imut 14. september-imiit atuutilertussat