GrønlandsBANKEN-ip CSR pillugu ukiumut ataasia nalunaarusiarisartagaa Global Compact-imiit nersornaaserneqarpoq.

Global Compact Network Denmark aamma FSR – danske revisorer suleqatigiinnermini aningaaseriviup nalunaarusiaa CSR pillugu ukioq manna immikkoortortaq SMV-mi nalunaarusiat pitsaanerpaat nalaani inissippaat.

Global Compact Network Denmark nersornaasiinertik ima oqaasilerpaat:

”CSR-imi immikkoortortaliap COP-mut tunngasoq GrønlandsBANKEN-imiit nalunaarusiaq maligassaqqissutut nalilerpaa, nalunaarusiarlu pisariunngitsuugaluarluni paasinartuummat. Grønlandsbanken nalunaarusiornermini Global Compacts malittarisassai qulit aamma Naalagaaffiit Peqatigiit nunarsuaq tamakkerlugu ineriartortitsinissamut anguniagai ilannguppai, nalunaarusiaq tulleriiaassinera kusanarpoq atuaruminarlunilu. Nalunaarusiap COP-rapportinut malittarisassai malilluarsimavai, taavalu aningaaseriviup inuiaqatigiinnut akisussaaffia immikkut allaaserivaa, tamannalu suliffeqarfimmiit eqqarsaatigineqarluarnikuusoq takuneqarsinnaavoq.”

GrønlandsBANKEN-imi tamanna nuannaarutigineqarpoq:

“Sulisut peqataanngikkaluarunik ukiut tamaasa inuiaqatigiinnut akisussaaffimmik tigusineq pillugu taavalu suliap ineriartornera qanoq ingerlanersoq FN-imut nalunaarusiariasartagarput naleqassanngikkaluarpoq. Qujanartumilli taamaanngilaq, taamaammat CSR pillugu nalunaarusiornitsinni nersugaanerput nuannaarutigaarput, aningaaserivillu inuiaqatigiinnut sunniuteqaqataanera ingerlateqqissuarput, Kalaallit Nunaanut iluaqutaasussamik aamma piujuartussamik siuariartornissaa peqataaffigissavarput” aqutsisoqarfimmi pisortaq Carsten Th. Pedersen oqarpoq.

GrønlandsBANKEN-ip CSR-imut tunngasoq 2018-imi nalunaarusiaa uani takusinnaavat.